Bũmb ning d sẽn na n yeel n wilg zʋrno rãmbã

Gũusg Gasgã Yʋʋm-sare, 1

“Yãmb tagsdame tɩ bãngr gomd ning sẽn be verse kãngã pʋgẽ wã pidsda rũndã-rũndã bɩ? [Karm-y Matɩe 24:11. Rẽ poor bɩ y bas t’a leoke.] Seb-kãngã gomda zãmsg toɛy-toɛy neb wʋsg sẽn mi yelle. A leb n wilgda d sẽn tõe n maan to-to tɩ b ra tudg-d ne zãmsg sẽn yaa ziri ye.”

Gũusg Gasgã Yʋʋm-sare, 15

“Yʋʋmdã sasa kãngã, neb wʋsg tagsda malɛgsã sẽn yeel bũmb ning a Zezi rogmã sasa wã zugu. [Karm-y Luk 2:14.] Yãmb tagsdame tɩ laafɩ sɩd tõe n waa tẽngã zug bɩ? [Bas-y t’a leoke.] Seb-kãngã wilgda a Zezi sẽn na n wa ne laafɩ hakɩk tẽngã zug ka la bilf to-to.”

Réveillez-vous ! Yʋʋm-sare

“Tũudmã neb kɩɩsda taab rãamã yũub wɛɛngẽ. Kẽer yetame tɩ d tõe n yũume tɩ sãnda me yetẽ tɩ pa segd ye. Sã n yaa ne yãmba, Wẽnnaam tagsg yaa bõe rãamã yũub wɛɛngẽ? [Bas-y t’a leoke.] Yaa sɩd t’a Zezi pipi yel-solemdã, a kɩtame tɩ koom lebd divẽ, la ges-y Biiblã sẽn keoogd tõnd to-to ka. [Karm-y Yelbũna 20:1.] Seb-kãngã wilgda Biiblã sẽn yet bũmb ning rãamã wɛɛngẽ.” Lak-y sebrã neng 18 wã n wilgi.

Gũusg Gasgã Yʋʋm-vẽkre, 1

“Yãmb tagsdame tɩ yaa ned tarem sẽn yaa wʋsg n wilgd t’a soab tõogame t’a vɩɩm yaa sõma bɩ? [Bas-y t’a leoke, tɩ rẽ poor bɩ y karem 1 Tɩmote 6:9, 10.] Baa ne Biiblã sẽn pa yet tɩ ligd pa sõma wã, a wilgdame tɩ sũ-noog hakɩkã pa be ne f tarem sẽn zem to-to ye. Seb-kãngã gomda rẽ yelle.”

Réveillez-vous ! Yʋʋm-vẽkre

“Yãmb tagsdame tɩ bũmb ning b sẽn togs ka wã tõe n yɩɩ sɩd bɩ? [Karm-y Ezai 33:24, la y bas t’a leoke.] Seb-kãngã wilgda logtoɛɛmbã sẽn tõog n maan bũmb ningã, la Biiblã sẽn kãab tɩ bãag pa na n le zĩndã sẽn na n pids to-to.”