Bũmb ning d sẽn na n yeel n wilg zʋrno rãmbã

Gũusg Gasgã Yʋʋm-sar. 15

“Neb wʋsg tagsda a Zezi rogma yell yʋʋmdã wakat kãngã. Yãmb bãngame t’a rogmã kɩbar sẽn be Biiblã pʋgẽ wã tõe n zãmsa tõnd bõn-sõma wʋsg bɩ? [Bas-y t’a leoke. Rẽ poor bɩ y wilg seb-neng a 5 wã, la y karem 2 Tɩmote 3:16.] Gũusg Gasgã zʋrnall kãngã gomda bõn-sõma kẽer yelle.”

Réveillez-vous ! 22 déc.

“Yãmb tagsdame tɩ roagdbã bee bʋʋm b sẽn maand yɩɩr ne rũndã-rũndã reemã sẽn tar nen-kɛglmã sẽn sãamd b kambã bɩ? [Bas-y t’a leoke.] Roagdb wʋsg rɩkda Biiblã verse kãngã tɩ yaa bũmb sẽn kõt-b sor-wilgri. [Karm-y Yɩɩl Sõamyã 11:5.] Réveillez-vous ! kãngã na n sõnga zagsã neb tɩ b vaees n bãng masĩn dãmbã pʋsẽ deemã sẽn tõe n wa wa ne yɛl ninsi.”

Gũusg Gasgã Yʋʋm-vẽkr. 1

“Neb wʋsg nin-nongr sã n ki, bɩ b sã n namsd bãag yĩnga, b nong n sokda b mense, ‘Bõe yĩng tɩ Wẽnnaam bas tɩ woto paam maam?’ Tõe tɩ yãmb me zoe n soka y meng woto. Biiblã wilgdame tɩ Wẽnnaam zoeta neb nins sẽn namsdã nimbãanega. [Karm-y Ezai 63:9.] Zʋrnall kãngã wilgda bũmb ning sẽn kɩt tɩ d tõe n tall hakɩk tɩ Wẽnnaam na n kɩtame tɩ namsgã sa wã.”

Réveillez-vous ! 8 janv.

“Yãmb tagsdame tɩ goos-neema segd n gɩdga tõnd tɩ d ra gom d sẽn dat bũmb ning yell bɩ? [Bas-y t’a leoke.] Yaa wãn to yẽ, d sã n gomd ne neb a taabã tũudum yelle, wa verse kãngã sẽn wilgdã? [Karm-y Tʋʋma 28:30, 31.] Sẽn pa kaoos pʋgẽ, gomd a woto la b wa ne Etazĩni Bu-kaoodb sul-kãsengã taoore. M kot-y lame tɩ y karem yel-kãngã wɛɛngẽ Réveillez-vous ! kãngã pʋgẽ.