Tʋm-y ne-ba, la y ra bĩng-b ye

Tigims kẽer tara sɛb wʋsg sẽn yi sẽn kaoose. Tigingã ned ning fãa sẽn dat tõe n tɩ reega a meng kareng yĩnga. Yaa sɩd tɩ sɛb kẽer bee Watchtower Library wã pʋgẽ. La yaa sõma me tɩ y tall sebrã menga. Y sã n tara Biibl karen-biig sẽn wɩngd sõma, y tõe n sagl-a lame t’a reeg sɛbã bilf-bilfu, a meng kareng yĩnga. Wẽnnaam tʋʋmdã lekoll yel-gɛt segd n gesame tɩ Rĩungã roog bibliotɛkã tall sɛbã fãa. Sɛb nins sẽn yi sẽn kaoosã ket n tara yõodo. Tigingã sã n tara sɛb sẽn yi sẽn kaoose, yɩta sõma tɩ b kõ sẽn dat-bã tɩ b bĩng b meng kareng yĩnga.