Les Témoins de Jéhovah — La foi en action, 1re partie : La sortie des ténèbres
Biiblã pʋgẽ, b sã n mi n gomd bũmb sẽn yaa sɩd yelle, b makd-a-la ne vẽenem, la sã n yaa ziri, b makd-a-la ne lika. (Yɩɩl 43:3; Ezai 5:20) Yaa a Sʋɩtãan sẽn belg d yaab a Hawa wã tɛk la ziri bɩ likã sɩng-yã. Rẽ kɩtame tɩ ninsaalbã be lik bida pʋgẽ. (Wil. 12:9) Les Témoins de Jéhovah — La foi en action, 1re partie : La sortie des ténèbres DVD wã wilgda vẽenemã sẽn puk tũudmã wɛɛngẽ bilf-bilf to-to. (Ezai 60:1, 2) Ges-y video kãngã la y mak n leok sogsg nins sẽn pʋgdã.
1) Wãn-to la likã paam pãng tʋm-tʋmdbã kũum poore? 2) Yʋʋmd 1100 sẽnese, bõe n maan tɩ sõng nebã tɩ b bãng tɩ egiliizã rãmb kẽe moogo? 3) A Henry Grew ne a George Storrs yɩɩ ãnd dãmba? 4) Bõe n maan a Charles Russell vɩɩmã pʋgẽ, tɩ tolg n toeem-a? 5) Wãn-to la saam-biig a Russell ne a baaba, la b zo-rãmb a wãn ra maand n zãmsd Biiblã, la rẽ wa n sõng-b lame tɩ b rɩk sard bʋse? 6) Sɩnga wãn tɩ b wa tɩ naag a Nelson Barbour sullã, la bõe n wa n kɩt tɩ saam-biig a Russell lak n bas-ba? 7) Bõe n maan yʋʋmd 1879 sẽoog kiuugã pʋgẽ, tɩ sõng tɩ vẽenemã na n yãg n paase? 8) Rẽ tɛkã, bõe la Biiblã Zãmsdbã sõor sẽn da tar paasgã maan sẽn na yɩl tɩ koe-noogã ta zĩis wʋsgo? 9) Biiblã Zãmsdbã ra sɩng n tẽedame tɩ bõe n na n maan yʋʋmd 1914? 10) Saam-biig a Russell kũumã poore, zu-loe-bʋg la Biiblã Zãmsdbã paam-yã? 11) Bõe la Biiblã Zãmsdbã maane, b sẽn wa n yiis saam-biig a Rutherford dãmb bãensã roogẽ wã? 12) Wãn-to la video kãngã kɩt tɩ y maneg n nand a Zeova siglgã? 13) Wãn-to la video kãngã keng yãmb raoodo, tɩ y rat n ket n moond koɛɛgã ne yẽesem baa ne zu-loeesã? 14) Wãn-to la y tõe n tall video kãngã n sõng y roagdba, Biiblã karen-biisi, la neb a taaba?
Biiblã Zãmsdbã sɩd basa bũmb sẽn wõnd rogem-pʋɩɩr sẽn tar yõod wʋsg ne-do. B kell n talla raood la yẽesem n sõng tɩ vẽenemã yãg dũni-kãngã sẽn yaa likã pʋgẽ. Bɩ tõnd me rɩk b togs-n-taare, n “kẽn wa vẽenem kamba.”—Ef. 5:8.