Les Témoins de Jéhovah — la foi en action, 2e partie : que brille la lumière !

B sẽn yiis saam-biig a Rutherford dãmb bãensã roogẽ yʋʋmd 1919 wã poore, Biiblã Zãmsdbã ra miime tɩ tʋʋm-kãseng n gũud-ba. Wa b sẽn wilg Les Témoins de Jéhovah — la foi en action, 2^e partie : que brille la lumière ! DVD wã pʋgẽ wã, Biiblã Zãmsdbã ra na n paama namsgo, b ra na n paamda vẽenem Biiblã goamã zug n paasdẽ, b tũudmã me ra na n paama yɩlgre. (Yel. 4:18; Mal. 3:1-3; Zã 15:20) Ges-y video kãngã la y mak n leok sogsg nins sẽn pʋgdã.

1) Bõe la Biiblã Zãmsdbã maan sẽn na yɩl tɩ koe-noogã ta zĩis wʋsgo? 2) Koe-kãseng bʋg la b taas nebã yʋʋmd 1931 la 1935 tigs-kãsemsã sasa? 3) Gom-bʋg sẽn tar yõod la b wɛgs yʋʋmd 1939 sɩpaolg kiuugã pipi daar Gũusg Gasgã pʋgẽ? 4) Wilg-y bũmb ning sẽn maan ‘Madison Square Garden’ doogã pʋgẽ, saam-biig a Rutherford sẽn wa n wɛgsd a sõsg ning gom-zug sẽn yaa “ Gouver-nement et paix ” wã. 5) Bõe yĩng tɩ saam-biig a Knorr sõsg ning sẽn yet tɩ “ La paix de demain sera-t-elle de longue durée? ” wã ra be yamleoogo? 6) Yʋʋmd 1942 wã, bõe la a Zeova Kaset rãmbã maan sẽn na yɩl tɩ koe-noogã ta zĩis wʋsgo? 7) Togs-y tõogr nins a Zeova Kaset rãmbã sẽn paam bʋ-kaoodbã taoor Etazĩni, Kanada la Gɛrɛs. 8) Wãn to la Galaad lekollã sõng tɩ koɛɛgã mooneg paam pãng n paase? 9) Tʋʋm-kãseng bʋg n sɩng yʋʋmd 1946, la bõe yĩnga? 10) Bõe la a Zeova Kaset rãmbã maan sẽn na yɩl tɩ b yel-manesmã zems ne Biiblã noyã? 11) Wilg-y remsg kẽer siglgã sẽn maan yʋʋmd 1970 wã sẽnese, sẽn na yɩl t’a sẽn na n maan bũmb ninsã fãa zems kɛpɩ ne Biiblã noyã. 12) Wãn to la video kãngã sõng yãmb tɩ y kɩs sɩd tɩ siglgã yaa a Zeova n so, la tɩ yaa yẽ n wilgd-a sore? 13) Wãn to la video kãngã keng yãmb raoodo, tɩ y rat n ket n moond koɛɛgã ne yẽesem baa ne zu-loeesã? 14) Wãn to la y tõe n tall video kãngã n sõng y roagdba, Biiblã karen-biis la neb a taaba?

Wakat fãa, bõn-paals n maand a Zeova Kaset rãmbã siglgã pʋgẽ tɩ wilgdẽ t’a paamda pãng n paasdẽ. B sã n wa na n lebg n gom modgr nins fãa tõnd sẽn maand koɛɛgã mooneg pʋgẽ rũndã-rũndã wã yelle, bõe la b na n yeele? Wa tõnd saam-biisã sẽn maan bũmb ning tɩ loogã, bɩ tõnd me modg wakat fãa tɩ d ‘vẽenemã kell n yãge.’—2 Kor. 4:6.