Tʋʋm-teed sẽn kõt zãmsgo, sẽn tusd tɩ b tʋme, la sẽn paasd pãnga
1 B tara pãng wʋsg n tõe n zãms neb Biiblã la a Zeova Kaset rãmbã wɛɛngẽ. B tusa neb wʋsg tɩ b rɩk sard sẽn ka vigsd sɩdã yĩnga. B paasa Wẽnnaam nin-buiidã sẽn dɩk b mens n kõ wã tẽeb pãng la b mi-beoogo. Bõn-kãens yaa bõe? B yaa video rãmbã a Zeova siglgã sẽn maanã. Yãmb zoe n gesa bãmb fãa bɩ? Y sẽn ges-bã kaoosame bɩ? Yãmb tʋmda ne-b y ministɛɛrã pʋgẽ bɩ? Wãn-wãn la y tõe n dɩ tʋʋm-te-kãensã sẽn be yamleoogã yõod n paase?
2 Yʋʋmd 1999, sẽoog kiuug 1 daar Gũusg Gasgã sõasg ning gom-zug sẽn yaa “Zãms-y Wẽnnaam Gomdã ne y zakã rãmb wakat fãa” wã saglame tɩ b ‘pasg zãmsgã wakat n ges Sosiete wã kasɛt video a yembr sẽn kõt zãmsgo, n sõs a zug rẽ poore.’ Sẽn zems ne sagl-sõng kãngã, b na n goma kasɛt video a yembr fãa yell Tʋʋmdã tigisgẽ kiuug fãa. D raoonda tigingã ned fãa tɩ b sã n na n wa sõs a zug Tʋʋmdã tigisgẽ fãa bɩ a reng n ges kasɛt video wã yiri.
3 Ki-kãngã d na n sɩnga ne kasɛt video ning d sẽn deng n yiis pipi wã, t’a gom-zugã yaa Les Témoins de Jéhovah: Un nom, une organisation wã. Ges-y-yã-a la y kelg n bãng sʋgs-kãensã leoore:
◼ Ne bõe la b mi a Zeova Kaset rãmbã sõma n yɩɩda?
◼ Bũmb ning fãa b sẽn maand Betɛllẽ wã tɩ loee ne verse bʋgo?
◼ Biiblã yel-bʋg la y yã tɩ b segenda, n dɩkd fot rãmba, la b gʋnd sẽn na yɩl n ning-b sɛbã pʋsẽ?
◼ Bõe n be yamleoog wʋsg ne yãmba, b sẽn segend tõnd sɛbã to-to wã pʋsẽ?
◼ Sẽn sɩng ne yʋʋmd 1920 n tɩ ta yʋʋmd 1990 wã, sɛbã Sosiete wã sẽn maanã sõor yaa b wãna?
◼ Wẽnnaam nin-buiidã sʋka, sẽn yɩɩd fãa ãnd rãmb n segd n bao n tall zʋg nins b sẽn baoodã Betɛll tʋʋmdã yĩnga?—Yel. 20:29.
◼ Wãn-wãn la Betɛllã zak neb lugl mak-sõng a Zeova Kaset rãmbã fãa yĩnga?
◼ Bõe n be yamleoog ne yãmba, tʋʋmdã b sẽn maand Betɛllẽ wã sẽn na yɩl n taas koe-noogã neb wʋsg wa b sẽn tõe tɛkã wɛɛngẽ?
◼ Wãn-wãn la b paamd ligd n maand dũni gill tʋʋmdã depãens r ãmba?
◼ Tʋʋm bʋg la d tõe n teel ne yẽesem, la ne yam bʋgo?—Zã 4:35; Tʋʋ. 1:8.
◼ Yãmb tagsda a wãn ne siglg ning sẽn zãad tõnd yʋʋrã?
◼ Wãn to la y tõe n dɩk kasɛt video kãngã n tʋm ministɛɛrã pʋgẽ?
Yʋʋm-sar kiuugã d na n lebg n gesa video ning gom-zug sẽn yaa La Bible: Un récit historique exact . . .