Tõnd sitã tõe n sõnga yãmb koɛɛgã mooneg pʋgẽ

Yet-y nebã tɩ b kẽng tõnd sitẽ wã: Neb nins sẽn pa rat n kelg tõnd wall b karem d sɛbã tõe n sak n kẽe jw.org sẽn na yɩl n bãng a Zeova Kaset rãmbã sẽn yaa neb ninsi. Dẽnd yɩta sõma tɩ d togsd nebã tõnd sitã adɛrse.

Get-y be n leokd sogsgã: Wakat ninga y roagda, y miting bɩ ned y sẽn seg koɛɛgã mooneg pʋgẽ tõe n soka yãmb bũmbu, n dat n bãng tõnd a Zeova Kaset rãmbã sẽn yaa neb ninsi, bɩ d sẽn tẽed bũmb ninsã. Y sã n zãad telefõn bɩ ordinatɛɛr sẽn tar ẽntɛrnetã, y tõe n paka sitã n kell n wilg-a sokrã leoore. La leoorã pʋgẽ b sã n wilga vɛrse rãmba, yɩta sõma tɩ y lak Biiblã n karme. Y sã n pa zãad telefõn bɩ ordinatɛɛr sẽn tar ẽntɛrnete, y tõe n wilga a soabã a sẽn tõe n maan to-to n yã a sokrã leoor jw.org pʋgẽ.—Kilik-y “ La Bible et vous/Questions Bibliques ” bɩ “ Qui sommes-nous?/Questions fréquentes ”.

Kẽ-y be n yãk bũmb n tool neda: Y tõe n gʋlsa ned la y telesarz bũmb ne PDF bɩ EPUB n naag n tool-a. Sã n yaa sebr b sẽn karemd tɩ b tõe n kelge, y tõe n telesarza CD zug n kõ-a. Y sã n telesarz sebr bɩ brochure wall periodik tõr n kõ neda, y tõe n sõda rẽ n naag y rapoorã zugu. La pa tog n yɩ sɛb wʋsgo, leb n pa segd n yɩ ned y sẽn pa mi ye. Y pa segd me n yãk bũmb n ning sit a to zug ye.—Kilik-y “ Publications ”.

Togsd-y nebã kiba-paalã a Zeova Kaset rãmbã zugu: Woto na n kɩtame tɩ Biiblã karen-biisã la d sẽn kaagd neb ninsã wa nand tʋʋmd ning d sẽn tʋmd dũniyã gill zugã, la b bãng tɩ d yaa nin-buiid sẽn tar zems-n-taare. (Yɩɩl 133:1)—Kilik-y “ Actualités ”.

[Foto seb-neng a 5]

(Yaa sebrã meng pʋgẽ la y tõe n yã fãa)

Mak-y n ges-y

1 Y sã n kilik “ Publications ” wã zĩigẽ, y na n yãa y sẽn dat n telesarz sebr ningã. Rẽ poore, yaa sẽn dat n karem tɩ yaa sẽn dat n kelge, bɩ y ges sebrã tẽngr n kilik forma ning yãmb sẽn datã.

2 Kilik-y “ MP3 ” wã zĩigẽ, tɩ y na n yãa sõssã gom-zutã. Rẽ poor bɩ y kilik gom-zug ning yãmb sẽn datã n telesarze, bɩ ▸ n kelge.

3 Y sã n dat n telesarz ne buud-gomd a to, bɩ y kilik buud-goamã zĩigẽ n yãk y sẽn datã.