D tũnug ne tõnd sɩtã n moon koɛɛgã: “Sogsg Biiblã sẽn leokde”

Tõnd sɩtã pʋgẽ, zĩig ning b sẽn gʋls tɩ La Bible et vous wã pʋgẽ, zĩig a ye la b gʋls tɩ Questions bibliques. D sã n mi sogsg nins sẽn be be wã sõma, d kɛlgd sã n sok sokr t’a leoorã be be, d na n tõog n wilg-a-la tõnd sɩtã zĩ-kãnga, t’a tɩ karem Biiblã sẽn leok a sokrã. D tõe n tika sogs-kãens me n sɩng sõsg koe-moonegã sasa. Makre, d tõe n soka sokr sẽn pak tõnd moonegã zĩig nebã, n bas tɩ kɛlgdã leoke, tɩ d tik b sẽn leok sokrã to-to jw.org pʋgẽ wã, n wilg-a Biiblã sẽn yete. Rẽ poore, d tõe n wilg-a-la zĩig ning d sẽn paam a sokrã leoore. Bũmb a to d sẽn tõe n maan yaa d yeel kɛlgdã t’a tɩ karem leoorã a toor tõnd sɩtã pʋgẽ. Tigims sull yel-gɛt a ye pag wilga yẽ sẽn moond to-to tɩ womd biisi. A yeta a kɛlgdã woto: “Neb wʋsg sokda b mens d sã n segd n ninga Wẽnnaam taal nebã sẽn namsdã yĩnga. Yãmb tʋll n paama sok-kãngã leoor segõnd 51 pʋgẽ bɩ?” Rẽ poore, a yiisda a portaablã, n ning sokrã leoor a sẽn telesarz sɩtã pʋgẽ wã t’a kɛlgdã kelge. Baasgẽ wã, a wilgda a soabã Biiblã yetame sebrã sak 11 wã.