“Bɩ y nong ba-biisã” fãa

Yaa sẽn na maan yʋʋm tus a yi la Wẽnnaam vẽneg tɩ b gʋls gom-kãensã. (1 Pɩɛ. 2:17) Yaa masã la d segd n modg n tũ rẽ n yɩɩda. La d maanda wãn n tõog n nong d saam-biisã fãa sẽn be dũniyã gill zugã? Dũni-kãngã nebã sẽn pa nong taabã pʋgẽ, bõe la d tõe n maan n kell n tall nonglem hakɩk ne taaba? (Mat. 24:12) Ges-y video ning gom-zug sẽn yaa Toute la communauté de nos frères, la y leok sogsg nins sẽn be tẽngrã.

1) Wakat bʋg la ned lebgd a Zeova Kaset soaba? 2) Tʋʋm a tãab la tõnd fãa tʋmda. Yaa bʋse? 3) Wãn to la d saam-biisã wilg tɩ b rata ne b sũur fãa n moon koɛɛgã? a) Alaska weoogẽ wã b) Erop poor-bɛdã pʋsẽ d) la Peru we-raoogẽ wã 4) Bõe yĩng tɩ d pa segd n tags tɩ koe-moonegã yaa rok-m-zugẽ tʋʋmde? 5) Kõ-y makr sẽn wilgd a Zeova Kaset rãmb sẽn sõng b taab sabaab walla a) tẽn-digimd sasa b) seb-kẽeng loogr poore d) la zabr wakate 6) Bõe la d fãa tõe n maan n wilg tɩ d sɩd nonga d saam-biisã? (Zã 13:35) 7) D sã n naagd taab n met rĩung roto, nafa bʋs la d paamda? 8) Bõe n sõng d saam-biis sẽn be Erop yaangã la Risi, tɩ b tõog n kell n tall zood sõma ne a Zeova baa koɛɛgã mooneg sẽn da gɩdgã? 9) Modg-bʋs la saam-biis wʋsg maand sẽn na yɩl n kẽng tigs-kãsemse, la bõe yĩnga? 10) Wãn to la video kãnga keng yãmb raoodo? a) tɩ y rat n kẽnd tigissã n naag y saam-biisã n waoogd a Zeova b) tɩ y rat n sõng neb a taabã sabaab wakate d) tɩ y rat n moon koɛɛgã zĩig fãa la wakat buud fãa 11) Wãn to, la wakat bʋg la d tõe n tʋm ne video kãngã moonegã sasa?

Bʋʋm kãseng ning sẽn kɩt tɩ d wa naag a Zeova nin-buiidã yaa d sẽn nong-a wã. Rẽ n so tɩ d rat n bao n bãng-a sõma la d sõng neb a taabã me tɩ b bãng-a. La d nonga neb nins a Zeova sẽn nongã me. D sã n wa sõngd-b toog wakate, d pa gũud tɩ Wẽnnaam rol-d ye. D pʋd n pʋʋsd-a-la barka, bala d sẽn paam n naag taab wa zak a ye nebã, yaa kũun-kãseng sẽn yit a nengẽ. Dũni-kãngã nebã pa nong taab ye. La sẽn mik t’a na n saa ka la bilfã, bɩ d maan d sẽn tõe fãa n nong d saam-biisã fãa.