Bũmb ning sẽn kɩt tɩ d nong d saam-biisã fãa wã

Dũni kãngã sẽn ka tar nonglmã pʋgẽ, wãn-wãn la d tõe n ket n nong d tẽeb pʋgẽ saam-biisã wʋsgo? (1 Pɩɛ. 2:17) Wãn-wãn la d tõe n wilg neb a taabã tɩ d sɩd tara saam-biir hakɩk dũniyã gill zugu? (Mat. 23:8) Yaa ne Toute la communauté de nos frères video wã maasem. A wilgda bũmb ning sẽn kɩt tɩ d nong taabã. Ges-y y sã n na n tõog n leoka sʋgs-kãensã:

1) Tʋʋm a tãab bʋs la d naag d saam-biisã n maand dũniyã gill zugu? 2) Wãn-wãn la tõnd saam-biisã moond ne raood a) Alaska weoogẽ wã, b) Erop paoor bɛdẽ wã, la d) Peru kãg-bɛdẽ wã? 3) Kaset kũun tʋʋm-teoog ning sẽn womd biis n yɩɩdã la bʋgo? 4) Bõe yĩng tɩ d ka segd abada n tags tɩ moonegã yaa tʋʋm zaalg bala? 5) Kõ-y makr toɛy-toɛy sẽn wilg a Zeova Kaset rãmbã sẽn bels la b sõng taab to-to toog wakate, wala tẽn-digimdgu, saag sẽn naag ne sob-kãsemse, ne tẽng pʋgẽ zaba. (Ges-y a Takao goama sẽn be yʋʋmd 1995, sa-sik kiuug rasem 22 Réveillez-vous ! wã, seb-neng 23 pʋgẽ wã, la a Kotoyo goama sẽn be yʋʋmd 1996, zĩ-likr kiuug rasem 22 Réveillez-vous ! wã, seb-neng 20 pʋgẽ wã.) 6) Ne manesem bʋs la tõnd fãa tõe n tall bãnd sẽn yaa kãseng ning sẽn kɩtd tɩ b bãng saam-biis sẽn yaa kiris-nebã n bakã? (Zã 13:35) 7) Hal sẽn ta zĩ-bʋg la d segd n tall naneb ne tigingã tigissi? 8) Neb nins sẽn da ka tar Rĩung Roog n na n tigim taab a pʋgẽ wã sã n wa paam-a, wata ne toeen-bʋgo? 9) Wãn-wãn la tõnd saam-biisã sẽn be Erop yaangã la Risi wã tõog n kell n tall b tẽebã b sẽn da wa n gɩdg b tʋʋmdã wakatã? 10) Baa masã menga, modg-kãseng bʋg la Kaset rãmb wʋsg maand sẽn na yɩl n kẽng tigis-kãsemsã, la bõe yĩnga? Wãn-wãn la woto keng yãmb raoodo? 11) Bõe yĩng tɩ y rɩk sard sẽn ka vigsd n na n naag taab n balem lagem-n-taar pʋgẽ, n na n sõng taab naong wakate, n na n moon koe-noogã ne kɩs-sɩd wakat buud fãa la y sẽn tõe to-to fãa? 12) Bõe yĩng tɩ yaa sõma tɩ d mengã paam kasɛt video kãngã, la d wilg-a sẽn dat-b n bãng sɩdã n paasã bãmb wʋsg wa d sẽn tõe tɛka?