Y sẽn tõe n yeele:

Y sẽn tõe n sɩng Biibl zãmsg ne nebã tʋʋl-nif kiuugã pipi sibrã to-to

“D kaagda nebã n yet-b tɩ b karemd Biiblã. La wʋsg tagsdame tɩ Biiblã võor wʋmb yaa toogo. Yãmb me tagsda woto bɩ? [Bas-y t’a leoke.] Ges-y bũmb ning sẽn be ka wã. Wilg-y-yã-a tʋʋl-nif kiuugã pipi daar Gũusg Gasgã yaoolem seb-nengã, la y karem pipi sokrã tẽngrã gʋlsmã, la vɛrse nins sẽn be be wã a ye. Sõs-y y sẽn karmã zug bilfu. Rẽ poor bɩ y kãab-a periodik rãmbã, la y rɩk sɛk n lebg n tɩ leok sokr ning sẽn pʋgdã.

Gũusg Gasgã, Tʋʋl-nifu, 1

“Nebã fãa la bal maooda ne zu-loeese. Woto kɩtame tɩ kẽer sokd b mens vɩɩmã sã n sɩd tara võore. Yãmb tagsdame tɩ bõe n kɩt tɩ sũ-noog ka be rũndã-rũndã? [Bas-y t’a leoke.] Biiblã kãabame tɩ ka la bilfu, Wẽnnaam na n kɩtame tɩ zu-loees nins d sẽn segd masã wã sa. [Karm-y Wilgr 21:4.] Seb-kãnga wilgda d beoog daarã sẽn na yɩ to-to la vɩɩmã sẽn tõe n tall bark to-to baa masã menga.”

Réveillez-vous ! Tʋʋl-nifu

“Nen-kɛglmã zagsã pʋsẽ lebga zu-loɛɛg dũniyã gill zugu. Neb kẽer yetame tɩ yaa ned sẽn yit buud ning pʋgẽ, b sẽn wub-a to-to, la reemã sẽn pid ne nen-kɛglmã n kɩt tɩ yaa woto. Yãmb tagsdame tɩ yaa bõe n sɩd kɩt tɩ nen-kɛglmã be zagsã pʋsẽ? [Bas-y t’a leoke.] Biiblã wilga pag ne a sɩd manesem sẽn segd n yɩ to-to ne taaba. [Karm-y Efɛɛz rãmb 5:33.] Seb-kãngã wilgda neb sẽn tũ Biiblã sagls b kãadmã pʋgẽ, tɩ sõng-b tɩ b kãadmã yɩ sõma.”