Yãmb karemda sɛbã b sẽn tabend tigingã taablo wã zugã bɩ?

Kãsem-dãmbã, kãsem-sõngdbã la neb a taab b sẽn bobl tʋʋmd tigingã pʋgẽ mi n karemda sɛbã taablo wã zugu, n bãngd b sã n pa tar tʋʋmde. Baasgo, kibay sẽn tar yõod la b tabend taablo wã zug tɩ tigingã ned fãa tõe n karme. Wala makre, y tõe n gesa be n bãng daar ning yãmb sullã sẽn segd n pɩɩs Rĩungã roogã, wall tigims sull yel-gɛtã bɩ Betɛllã sã n toola lɛtre. Y leb n tõe n gesa zãma taoor sõsgã gom-zug be, n bool y Biibl karen-biis tɩ b wa kelge. Sẽn paase, y tõe n geta be n bãngd tigsgã na-kẽndre, wall yãmb sullã sẽn na n moon zĩig ningã. Tigissã sasa, b pa le karemd kiba-kãensã kẽer ye. Kãsem-dãmbã me pa tõe n togsd tigingã neb yembr-yembr kiba-kãensã ye. Rẽ n so tɩ d segd n karemd kibayã taablo wã zug wakat fãa. Woto, d tõogd n maana bũmba fãa tɩ zemse, tɩ zũnd-zãnd ra zĩnd ye.—1 Kor. 14:40.