Y sẽn tõe n yeele:

Y sẽn tõe n sɩng Biibl zãmsg ne nebã sɩpaolg kiuug pipi sibrã to-to

“Sokr n be ka n tar yõod tɩ m dat n wilg yãmba. [Karm-y pipi sokrã sẽn be sɩpaolg kiuug pipi daar Gũusg Gasgã yaoolem nengã.] Yãmb leokda sok-kãngã tɩ bõe? [Karm-y pipi sull a yiibã, ne vɛrse nins b sẽn sõdg be wã baa yaa a ye.] M tõe n lebg n waa nindaar tɩ d ges bũmb ning sẽn kɩt t’a Zezi vʋʋg neb sẽn da ki, la rẽ sẽn nafd tõnd to-to wã bɩ?”

Gũusg Gasgã, Sɩpaolgo, 1

“Yãmb zoe n soka y meng bũmb ning sẽn kɩt tɩ yel-beed toor-toor be dũniyã zugã bɩ? [Bas-y t’a leoke.] Biiblã leokda sok-kãngã Wilgr 12:9. [Karm-yã.] La vɛrse 12 wã goam kɩtame tɩ d tõe n bas d yam tɩ manegr n wate. [Karm-y Wilgr 12:12.] Ka la bilfu, a Sʋɩtãan pa na n le tõog n wa ne yel-beed dũniyã zug ye. Seb-kãngã gom-zugã yaa: “D segd n zoee a Sʋɩtãan bɩ?” A pʋgẽ wã, b wilgda d sẽn tõe n kogl d meng to-to masã t’a Sʋɩtãan ra tõog-do, la bũmb ning sẽn na n paam a Sʋɩtãan ka la bilfu. Yãmb rẽnd la woto.”

Réveillez-vous ! Sɩpaolgo

“Ned fãa rata sũ-noog a vɩɩmã pʋgẽ, la rũndã-rũndã, neb wʋsg pa tar sũ-noog ye. Yãmb tagsdame tɩ bõe n wat ne sũ-noog hakɩka? [Bas-y t’a leoke.] Biiblã tõe n sõnga tõnd ned kam fãa t’a vɩɩmã yɩ noogo. Wala makre, kelg-y Biiblã saglga. [Karm-y Hebre dãmb 13:5.] Seb-kãngã wɛgsda Biiblã sagls a naas sẽn tõe n sõng-d to-to tɩ d paam sũ-noog hakɩka.”