D tall yẽesem n keng taab raood tɩ d wɩng ne tʋʋm-sõma

Hebre dãmb 10:24 sagend-d lame tɩ d “tẽeg taab yelle,” la tɩ d “yik taab ratem tɩ maan nonglem la tʋʋm-sõma.” Tõnd mak-sõngã la d tẽebã tõe n kenga d tẽed-n-taasã raoodo. Togsd-y y taabã yãmb sẽn moond koɛɛgã to-to tɩ womd biisi. Modg-y tɩ b neẽ t’a Zeova raabã maaneg kõt-y-la sũ-noogo. La gũus-y n da makd y tʋʋm-sõma wã ne y taabã ye. (Gal. 6:4) Bao-y n keng-y y taabã raood tɩ b “maan nonglem la tʋʋm-sõma,” la y ra ningd-b taal n dat tɩ b tʋm “tʋʋm-sõma” ye. (Ges-y École du ministère sebrã neng 158 s. a 3) Tõnd sã n kengd d tẽed-n-taasã raood ne nonglem, d na n tõogame tɩ b tʋm tʋʋm-sõma. Wala makre, b na n sõnga b taabã tɩ b paam bũmb kẽer sẽn yaa tɩlae ne-bã, wall b moond koɛɛgã ne yẽesem.—2 Kor. 1:24.