D paas d koe-moonegã minim: D sõng nin-paalsã

Saglgã yõodo: A Zeezi karen-bi-paalsã segd n saka “bũmb nins fãa” a sẽn yeelã. Wala makre, b segd n sõnga neb a taab tɩ b bãng sɩdã. (Mat. 28:19, 20) Nin-paalsã wʋsg zoe n modgame n lebg Wẽnnaam tʋʋmdã lekoll karen-biisi. Tõe meng tɩ b paama segb n moon b roagdb bɩ b zo-rãmb koɛɛgã. La b sã n bãngd a Zeova la a raabã n paasdẽ, la b bãng t’a ratame tɩ neb buud fãa wʋm koe-noogã, b tõe n wa tʋll n naaga tõnd n moond koɛɛgã. (Rom. 10:13, 14) Ned sã n mao n lebg koe-moond sẽn nan pa reeg lisgu, d segd n sõng-a lame, t’a tõog n moond koɛɛgã ne raoodo.—Luk 6:40.

Ad d sẽn tõe n maan dẽ to-to:

D sõng sẽn nan sɩng-b koɛɛgã moonegã tɩ b paam sɛb nins d sẽn tar n moond koɛɛgã, la d zãmsd nebã Biiblã. D wilg-b sɛb nins d sẽn suiid d korgẽ wã, la sebr fãa yõodo.
D naag taab n yãk saglg b sẽn kõ sɛbã kãabg wɛɛngẽ tɩ be Rĩungã Tʋʋmd sebr pʋgẽ wã, n tũ. D sagl-b tɩ b togs Rĩungã Tʋʋmd sebrã saglsã ne b meng goama. D ges École du ministère sebrã neng 82 wã, n yãk gom-zug sẽn zems ne d moonegã zĩig nebã, tɩ d maan mak-n-wilgi. D sõng-b tɩ b bãng tɩ yɩta sõma tɩ b ningd fut sẽn zemse, la b zãad b mens neere.—2 Kor. 6:3, 4.
D sõngd-b bilf-bilfu. D wilg nin-paalsã koe-moonegã karte, la b sẽn tõe n gʋls fiche de maison en maison to-to, bɩ ned sẽn dat n wʋm koɛɛgã n paas adɛrs to-to. D sõng-b tɩ b bãng n tʋm ne jw.org, n paas Une bonne nouvelle pour des gens de toutes nations sebrã sõma koɛɛgã mooneg pʋgẽ. D wilg-b b sẽn tõe n sõng ned sẽn dat n wʋm koɛɛgã n paas to-to.—1 Kor. 3:6.
D tall sũ-mare, la d mi n pẽg-ba. (Yel. 25:11) D kõ mak-sõngo. D sã n tar yẽesem la d wilgdẽ tɩ b yell pak-d lame, na n naf-b-la yʋʋm wʋsg pʋgẽ.

Mak-y woto ki-kãngã:

Y sã n pa tar Biibl karen-biig bɩ y kos koe-moond sẽn pa tar minim wʋsg t’a naag-y n moon koɛɛgã.