“ Ces paroles devront être sur ton cœur ”

Roagdbã tʋmda tʋʋm sẽn wõnd pe-kɩɩm tʋʋma. B segd n gesa b kambã yell neere, bala, bũmb tõe n kɩtame tɩ kambã kɩɩs a Zeova nana-nana. (Yel. 27:23) Wãn to la roagdbã tõe n ges b kambã yell neere? B segd n sõsda ne b kambã daar fãa, n bãng bũmb ning sẽn be b yamẽ la b sũurẽ. (Yel. 20:5) B segdame me n tall tʋʋm-teed sẽn yaa sõma, n sõng b kambã tɩ b tẽebã bɩ. (1 Kor. 3:10-15) “ Ces paroles devront être sur ton cœur ” video wã wilgdame tɩ yaa sõma tɩ d maand d zak pʋgẽ Biibl zãmsgã n pa vaandẽ ye. Ges-y video wã ne y zakã rãmba, la y leok sogs-kãensã.

1) Bõe n kɩt t’a Roman zakã rãmb tẽebã booge? 2) Bõe yĩng tɩ sɩngrẽ wã, saam-biig a Roman pa tõog n maan zak pʋgẽ Biibl zãmsgã ne a zakã rãmba? 3) Biiblã vɛrse bʋg n tõe sõng-d tɩ d wub d kambã sõma? (Tõo. 6:6, 7) 4) Bõe n tõe n sõng zak neb tɩ b yẽsd ne taab noog-noogo? 5 ) Bõe la kambã rat tɩ b roagdbã modg n maane? 6) Wãn to la saam-biig a Martin ne a pagã sõng a Roman zakã rãmba? (Yel. 27:17) 7) Bõe la zak soab segd n deng n maane, t’a zak pʋgẽ Biibl zãmsgã yɩ sõma? 8) Wãn to la saam-biig a Roman maneg yɛl kẽer a zakã pʋgẽ? 9) Bõe yĩng tɩ d segd n maand zak pʋgẽ Biiblã zãmsg n pa vaandẽ? (Efɛ. 6:4) 10) Bõe la d tõe n maand zak pʋgẽ Biibl zãmsgã wakate? 11) Wãn to la saam-biig a Roman tõog a menga, n sõng a Matthias t’a bãng tɩ yaa sõma t’a maand sẽn yaa tɩrga? (Zer. 17:9) 12) Wãn to la saam-biig a Roman ne a pagã maag b yĩng n sõng a Rebecca, t’a bãng n yãk yam a tũud-n-taarã ne a Justin wɛɛngẽ? (Mark 12:30; 2 Tɩm. 2:22) 13) Wãn to la saam-biig a Roman ne a pagã tall tẽebo, n toeem bũmb kẽer b vɩɩmã pʋgẽ? (Mat. 6:33) 14) Wãn to la video wã wilgd tɩ zak-soben-dãmbã segd n modgame n ges b zakã rãmb tẽeb yelle? (1 Tɩm. 5:8) 15) Y sã n yaa zak soaba, bõe la y yãk yam n na n maane?

VẼNEGR ZAK-SOBEN-DÃMBÃ YĨNGA: Video wã tika yʋʋmd 2011 tigis-kãsengã teyatrã. Rẽ yĩnga, teyatrã poore, y ra yãame tɩ yaa tɩlɛ tɩ y maneg y zak pʋgẽ Biibl zãmsgã tɩ yɩ sõma bɩ? La masã yẽ? Y sã n segd n manega bũmb kẽere, bɩ y pʋʋs a Zeova t’a sõng-y tɩ y toeeme, tɩ yãmb ne y zakã rãmb wa paam n vɩɩmd wakat fãa.—Efɛ. 5:15-17.