“Ad maam, tʋm-y maam!”

A Ezayi ra tara yam-sõngo, tɩ d segd n dɩk a togs-n-taare. A talla tẽebo, n sak zĩig pʋgẽ n na n tʋm Wẽnnaam tʋʋmde, baa a sẽn da pa mi sẽn na n yɩ to-to wã. (Eza. 6:8) Rẽ yĩnga, y pa tõe n toeem bũmb kẽer y vɩɩmã pʋgẽ, n tõog n tɩ moon koɛɛgã zĩis nins koe-moondbã raab sẽn yaẽ kãsengã sɩda? (Yɩɩn. 110:3) Yaa sɩd tɩ rẽ baoodame tɩ y “zĩnd n geel ligd ning fãa” y sẽn tog n yiis rẽ yĩngã. (Luk 14:27, 28) La y tog n sak n monga y meng bũmb kẽer koɛɛgã mooneg yĩnga. (Mat. 8:20; Mark 10:28-30) Wa b sẽn yeel D kẽng zĩig ning koe-moondbã raab sẽn yaẽ kãsengã video pʋgẽ wã, d sẽn na n paam bark nins a Zeova tʋʋmdã pʋgẽ wã na n yɩɩga bũmb nins d sẽn basã.

Y SÃ N GES VIDEO WÃ N SA, BƖ Y LEOK SOGS-KÃENSÃ:

• Bõe la saam-biig a William ne a zakã rãmb bas-yã, sẽn na yɩl n tɩ moon koɛɛgã Ekoatɛɛre?

• Bõe yell la b tags-yã, n bãng b sẽn na n tɩ moon zĩig ningã?

• Bark-bʋs la b paam-yã?

• Y sã n dat n paam kibay tɩ sõng-y tɩ y bãng y sẽn na n tɩ moon zĩis nins koe-moondbã raab sẽn yaẽ kãsengã, bõe la y tog n maane?

Y ZAK PƲGẼ BIIBL ZÃMSGÃ SASA, SÕS-Y SOGS-KÃENSÃ ZUGU:

• Bõe la d zakã rãmb tõe n maan n paas b koɛɛgã moonego? (km 8/11 4-6)

• Sã n mik tɩ d pa tõe n kẽng zĩis nins koe-moondbã raab sẽn yaẽ kãsengã, bõe la d tõe n maan n sõng d tigingã? (w16.07 3-6)