Kẽng-y zĩig koe-moondb sẽn pa waooge

Yɩl n sak n bas f zakã, n yik n kẽng zĩig a to n na n tɩ moon koɛɛgã n paase, baoodame tɩ f tall tẽebo. (Ebre. 11:8-10) Y sã n wa tagsd n na n ges y sã n na n yikame n tɩ sõng zĩig koe-moondb sẽn pa waoogẽ, bɩ y sõs ne y tigingã kãsem-dãmba. Bõe ne bõe la y tõe n maane, n bãng y sã n sɩd n tõeeme n yik n kẽng zĩig a to, la y sẽn na n kẽngẽ wã? Maan-y vaeesg tõnd sɛbã pʋsẽ, n bãng b sẽn yet bũmb nins kẽng n tɩ sõng zĩig koe-moondb sẽn pa waoogẽ wã wɛɛngẽ. Sõs-y ne neb nins sẽn tõog n yik n kẽng zĩig a to n tɩ sõng tigims a taaba. (Yel. 15:22) Pʋʋs-y-yã a Zeova n kos-a t’a wilg-y sore. (Zak 1:5) Bao-y n bãng-y bũmb wʋsg zĩig ning fãa y sẽn tagsd tɩ y tõe n kẽngame wã wɛɛngẽ, tɩ sã n tõe bɩ y kẽng n tɩ gilg n ges zĩigã rasem a wãna, n yaool n wa yãk y sẽn na n maane.

GES-Y VIDEO WÃ: NE TẼEBO, TŨ-Y KƲƖLENG SẼN PAK N KẼ, N PAAM N TƲM WƲSGO—KẼNG-Y ZĨIG KOE-MOONDB SẼN PA WAOOGE. RẼ POOR BƖ Y LEOK SOGSGÃ:

• Bõe ne bõe la a Gabriyɛll ra segd n toeeme, la bõe n sõng-a?