Bõe yĩng tɩ y sũur noom ne tũudum hakɩɩkã?

A Ezekɩyɛll sẽn yã wẽnd-doogã bõn-makrã pʋgẽ wã kenga zʋɩf-rãmbã sẽn da be yembdã raoodo, bala kɩtame tɩ b kɩs sɩd tɩ b na n lebs n lugla tũudum hakɩɩkã. Yaoolem wakatã, tũudum kakɩɩkã lebga wa ‘tãng sẽn lug n yɩɩg tãms a taabã’, tɩ tõnd naag neb nins sẽn zoet n dabd tãn-kãng zugã. (Eza. 2:2) Rẽ yĩnga, yãmb wae n bʋgsda y sẽn paam zu-noog n bãng a Zeova la y tũuda wã bɩ?

TŨUDUM HAKƖƖKÃ SẼN NAFD TÕND TO-TO:

• 

  Zãmsg ning d sẽn paamdã sõngda tõnd tɩ d mi sogsg sẽn tar pãng leoore, tɩ d tũud Wẽnnaam noyã la a saglsã la d tẽed tɩ manegr n wate.—Eza. 48:17, 18; 65:13; Rom. 15:4

• D tara tẽed-n-taas sẽn be dũniyã gill zugu, la sẽn nong-do.—Yɩɩn. 133:1; Zã 13:35

• D paam n yaa Wẽnnaam tʋmd-n-taas n moond koɛɛgã sẽn yaa tʋʋmd sẽn noogd sũurã.—Tʋʋ. 20:35; 1 Kor. 3:9

• D paamda “Wẽnnaam laafɩ wã” tɩ kengd d raood zu-loees sasa.—Fili. 4:6, 7

• D tara sũur kaset sẽn pa ningd-d taale.—2 Tɩm. 1:3

• “D tara zood sõma ne a Zeova.”—Yɩɩn. 25:14

Bõe ne bõe la m tõe n maan n wilg tɩ m sũur nooma ne tũudum hakɩɩkã?