D paas d koe-moonegã minim: D taas koɛɛgã nebã fãa d moonegã zĩigẽ

A YÕODÃ: No-rɛɛs a Zakari pĩnd n togsame tɩ buud toɛy-toɛy neb sẽn gomd goam toɛy-toɛy n na n sak koe-noogã. (Zaka. 8:23) La ãnd n da na n taas-b koɛɛgã? (Rom. 10:13-15) Yaa tõnd la Wẽnnaam tʋm tɩ d taas koɛɛgã nebã fãa d moonegã zĩigẽ.—od 84 10-11.

D SẼN TÕE N MAAN DẼ TO-TO:

• D segl sõma. Yãmb mi n sega neb sẽn gomd buud-gom-zẽng bɩ? Y tõe n kẽe tõnd sɩtã pʋgẽ n zãms buud-gom-zẽng goam a wãn sẽn na sõng-y tɩ y tõog n kãab ned sɛbã. Y tõe n talla y portaabl me n wilg ned a sẽn tõe n kẽ sɩtã pʋgẽ to-to n bãng bũmb toor-toor a buud-gomdã pʋgẽ.

• D yɩ gũusdba. Y sã n wa moond zak ne zak n paam segb bɩ y mao n taas koɛɛgã. Sõsd-y ne so-loaadbã, wall sẽn yas-b ne mobila wã. Sã n yaa zãma sʋk la y moonda, bɩ y ra bas tɩ bũmb tiis-y ye.

• D wɩng ne tʋʋmdã. Modg-y tɩ koɛɛgã ta neb nins y sẽn pa wae n mikd yirã. Tõe tɩ y na n lebg n tɩ kaaga nina wakat a to wall daar a to. Tõe me tɩ y na n gʋlsa sãnda, pa rẽ bɩ y bool-b ne telefõn wall y paam-b sor noore.

• D lebg n tɩ kaag-b tao-tao. Sẽn kelg-a koɛɛgã sõma fãa, bɩ d tɩ kaag-a n da bas tɩ kaoos ye. A soabã sã n gomda buud-gom-zẽng bɩ y bao ned sẽn wʋmd a goamã t’a tɩ kaag-a. Y segd n kaag-a lame n tãag y sẽn na n wa paam ned sẽn wʋmd a buud-gomdã.—od 94 39-40

GES-Y “B MOONA KOƐƐGÃ HAL TƖ TA DŨNIYÃ TƐK FÃA” VIDEO WÃ, LA Y LEOK SOGS-KÃENSÃ:

• 

  Wãn to la koe-moondb segl b mens n tõog n tɩ moon koɛɛgã zĩ-zãrgẽ? (1 Kor. 9:22, 23)

• 

  B maoa ne zu-loe-bʋse?

• 

  Bark-bʋs la b paam-yã?

• Bõe la d tõe n maan n tõog n taas koɛɛgã nebã fãa d moonegã zĩigẽ?