“Dũniyã gill fãa rag n gomda buud-gomd a yembre”

11:1-4, 6-9

A Zeova gẽdga neb nins sẽn da kɩɩsd yẽ wã goamã Babɛlle, n kɩt tɩ b sãeege. Rũndã-rũndã, a Zeova tigimda kʋʋn-kãseng sẽn yit tẽnsã fãa pʋsẽ, la sẽn gomd buud-goam fãa, n zãmsd-b “buud-gomd sẽn yaa yɩlemde,” sẽn na yɩl tɩ b fãa ‘tõe n waoog yẽ a Zeova ne yam a yembre.’ (Sof. 3:9, MN; Vẽn. 7:9) ‘Buud-gomd sẽn yaa yɩlemdã’ yaa sɩdã Biiblã sẽn sõngd tɩ d bãng a Zeova la a raabã zugã.

Ned sã n na n zãms buud-gom-zẽnga, a pa rɩkd gom-biisã ne zug bal ye. A segd n maana sẽn yɩɩd rẽ. Yaa tɩlɛ me t’a toeem a sẽn tagsd to-to wã. Woto me, d sã n zãmsd buud-gomd sẽn yaa yɩlemdã, d sẽn tagsd to-to wã toeemdame. (Rom. 12:2) Toeengã pa tar tɛk ye. Yaa d sẽn ket n toeemd woto wã n sõngd tɩ Wẽnnaam nin-buiidã zemsd taab sõma wã.—1 Kor. 1:10.