Gũus-y n da wa yelg kibay sẽn pa sɩd ye

Rũndã-rũndã, ne sɛbã, radio wã, televiziõ wã la ẽntɛrnetã maasem, kibayã tõe n taa neb milyõ-rãmb tao-tao. Neb nins sẽn tũud sɩdã Wẽnnaamã gũusdame n pa rat n wa yelg kibay sẽn pa sɩda, n pa bãng meng ye. (Yɩɩn. 31:6; Yik. 23:1) D sã n taas d taabã kibay sẽn pa sɩda, tõe n maan-b-la wẽng wʋsgo. Y sã n wa rat n bãng kibar yaa sɩd bɩ a pa sɩda, sok-y y meng yaa:

• ‘Sẽn togs-a kibarã yaa ned m sẽn tõe n kɩs sɩd bɩ?’ Ned ning sẽn togs kibarã tõeeme n pa mi yellã zãng ye. Nebã sã n wʋm kibar n dɩk n togsd taaba, b toeemd-a lame. Dẽ wã, y sã n pa mi kibarã sẽn sɩng to-to, bɩ y maan gũusgu. Neb nins sẽn tar tʋʋm tigingã pʋgẽ wã sẽn yaa neb b sẽn kɩs sɩdã yĩnga, b segd n maanda gũusg wʋsgo, n da wa yelg kibar sẽn pa tar tikr ye.

• ‘Kibarã yaa munaafɩglem bɩ?’ Sã n mik tɩ kibarã na n sãama ned bɩ neb sull yʋʋre, d pa segd rɩk n togs ned ye.—Yel. 18:8; Fili. 4:8.

• ‘Yaa kibar m sẽn tõe n tẽ bɩ?’ D sã n wʋm kibar sẽn sidgd yĩnga, d segd n maana gũusgu.

GES B SÃ N WA WƖT NEDA, BÕE LA M SEGD N MAANE? VIDEO WÃ. RẼ POORE, BƖ F LEOK SOGSGÃ:

• 

  Wa Yel-bũn 12:18 sẽn yetã, goam tõe n maana ned bõe?

• 

  Wãn to la Filip rãmb 2:4 goamã sõngd tõnd tɩ d bãng bũmb ning d sẽn tõe n togs d taabã zugu?

• 

  D sã n sõsd ne neb tɩ b wa sɩng ned wɩdg wall a yaalgo, bõe la d segd n maane?

• 

  Nand tɩ d sɩng ned yell goama, sogs-bʋs la d segd n sok d menga?