Yãmb tõe n kẽesa y sẽkã la y pãngã tʋʋmdã pʋgẽ bɩ?

Wa no-rɛɛs a Ezayi sẽn da pĩnd n togsã, a Zeova siglgã babg ning sẽn be tẽngã zugã nin-buiidã tara fɩɩgr wʋsgo. (Eza. 54:2) Woto kɩtame tɩ b segd n me Rĩungã ro-paala, tigis-kãsems roto, la filiyall-dãmba. Rotã meebã poore, b segd n zã-b lame, la b manesd kẽere. Wãn to la rẽ kõt tõnd sor tɩ d tõe n kẽes d sẽkã la d pãngã a Zeova tʋʋmdã pʋgẽ?

• B sã n wa yeel tɩ tõnd koe-moonegã sull n segd n pɩɩs Rĩungã roogo, bɩ d kẽes d toogo.

• B sã n wa rat neb n na n zãms-b Rĩungã roog zãab bɩ d gʋls d yʋʋre.

• D tõe n gʋlsa Demande d’admission comme volontaire au développement des constructions locales (DC-50) sebrã n kɩse, tɩ b sã n wa metẽ wall b manegd Rĩungã rot tõnd babgẽ wã bɩ d mi n tɩ sõnge.

• D tõe n gʋlsa Demande d’admission comme volontaire (A-19) n paam n tɩ tʋm semen a ye bɩ sẽn yɩɩd rẽ tõnd filiyallã Betɛllẽ wall filiyall a to pʋgẽ.

GES-Y RO-PAAL SIGLGÃ SẼN SEGEND N NA N ME VIDEO WÃ B SẼN KƲRGÃ. RẼ POOR BƖ Y LEOK SOGSGÃ:

• Yʋʋmd 2014 tɛkã, wãn to la d tʋmd ne video-rãmbã n yɩɩd pĩndã?

• Sẽn na yɩl tɩ d paamd video-rãmb d tũudmã yĩnga, bõe la b magd n na n maane, la meebã na n kaoosa wakat a wãna?

• Wãn to la d tõe n sõng n tʋm tʋʋm-kãngã?

• D sã n dat n tɩ sõng n me roogã Ramapo, bõe yĩng tɩ d segd n gʋls DC-50 demandã la d sõng tõnd babgẽ Ɛldese (LDC) wã n tʋmdẽ?

• Bõe n wilgd vẽeneg t’a Zeova n be tʋʋmdã taoore?

• Wãn to la d tõe n teel tʋʋmdã, baa d sã n pa tõe n tɩ sõnge?