Tagsd-y a Zeova yell wakat fãa

Tʋʋmã paoong sã n wa lebg toogo, tõe n yɩɩ toog ne tõnd tɩ d ket n lʋɩɩsd Wẽnnaam Rĩungã ne a tɩrlmã taoor d vɩɩmã pʋgẽ. D tõe n wa rat n saka tʋʋmd sẽn na n kɩt tɩ yaa toog ne-d tɩ d tũud a Zeova, pa rẽ bɩ sẽn pa zems ne Biiblã noyã la a saglsã. La d tõe basa d yam t’a Zeova sõngda “neb nins sẽn nong bãmb ne b sũyã fãa wã.” (2 Kib. 16:9) Bũmb kae n tõe n gɩdg d ba-nongrã t’a pa ket n sõngd tõndo, la a get tɩ d paamd bũmb nins sẽn yaa tɩlɛ wã ye. (Rom. 8:32) Rẽ n so tɩ d sã n wa rat n yãk yam tʋʋmã wɛɛngẽ, d segd n teega a Zeova, la d ket n lʋɩɩsd a raabã maaneg taoor d vɩɩmã pʋgẽ.—Yɩɩn. 16:8.

GES-Y VIDEO WÃ: D TƲM NE D SŨUR FÃA, A ZEOVA YĨNGA. RẼ POOR BƖ Y LEOK SOGSGÃ:

• 

  Bõe yĩng t’a Zak zãgs noor-madgre?

• 

  Wãn to la d tõe n tũ Kolos rãmb 3:23 wã goam?

• 

  Wãn to la a Zak mak-sõngã naf a Toma?

• 

  Wãn to la d tõe n tũ Matiye 6:22 wã goam?