Bõe la saam-bi-pogsã tõe n maan n paam n tʋm a Zeova tʋʋmã n paase?

Saam-bi-pogsã tʋmda Rĩungã tʋʋmã wʋsgo. (Yɩɩn. 68:12) B zãmsda neb wʋsg Biiblã. Sẽn paase, wakat fãa so-pakdbã sʋka, yaa bãmb sõorã n yaa wʋsg n yɩɩda. Saam-bi-pogs tusa sẽn tʋmd wʋsg yaa Betɛllẽ tʋm-tʋmdba, misioneer-dãmba, b naaga sẽn sõngd-b n met siglgã rotã, wall sẽn wat-b n sõngd wakat bilf ne rẽ wã, la sẽn lebgd-b sɛbã me. Saam-bi-pogs tẽeb sẽn tar pãng kengda b zagsã rãmb la b tigingã neb raoodo. (Yel. 14:1) Baa ne saam-bi-pogsã sẽn pa tõe n lebg kãsem-dãmb bɩ kãsemb-sõngdbã, b tõe n bao n tʋma tʋʋm a taab n paas tigingã pʋgẽ. Fo sã n yaa saam-bi-poaka, bõe ne bõe la f tõe n maan n tõog n tʋm a Zeova tʋʋmã n paase?

• Bɩɩs zʋg-sõma nins kiris-ned fãa sẽn tog n bɩɩsã.—1 Tɩm. 3:11; 1 Pɩy. 3:3-6

• Sõng tigingã saam-bi-pogs nins sẽn pa tar minim wʋsgã.—Tɩt 2:3-5

• Moon koɛɛgã n paase, la f paas f koe-moonegã sõmblem me

• Zãms buud-gom-zẽnga

• Kẽng zĩig koe-moondb raab sẽn beẽ

• Gʋls n kos n na n tɩ tʋm Betɛllẽ wã, wall n tɩ sõng ne siglgã rot meebo

• Gʋls n kos n na n kẽng Rĩungã koe-moondb lekolle

GES-Y VIDEO WÃ: “PAGB SẼN TƲMD WƲSG ZU-SOABÃ PƲGẼ.” RẼ POOR BƖ Y LEOK SOKRÃ:

• Wãn to la saam-bi-poak fãa sẽn togs bũmb ningã kengd yãmb raoodo?