Sõng-y neb nins y sẽn zãmsd Biiblã tɩ b wat tigissã

Tigissã naaga bũmb nins d sẽn maand tũudum hakɩɩkã pʋgẽ wã. (Yɩɩn. 22:23) Neb nins fãa sẽn tigimd taab n waoogd a Zeova wã paamda sũ-noogo, la bark buud toor-toore. (Yɩɩn. 65:5) Naoor wʋsgo, neb nins d sẽn zãmsd Biiblã tẽebã pãng paasda tao-tao, b sã n wat tigissã n pa vaandẽ.

Bõe la y tõe n maan n sõng neb nins y sẽn zãmsd Biiblã tɩ b wat tigissã? Ket-y n boond-y-b tɩ b wa tigissẽ wã. Wilg-y-b Bõe la b maand Rĩung roogẽ? video wã. Bilg-y-b tigissã sẽn wat ne nafa ninsã. (lff sak 10) Yãmb tõe n goma bũmb takɩ y sẽn bãng tigsg sasa yell ne-ba, pa rẽ bɩ bũmb b sẽn na n gom tigsg sẽn wat sasa yelle. Kõ-y karen-biisã sɛb nins b sẽn na n tʋm ne tigissã sasa wã. Sẽn paase, maan-y bũmb takɩ n sõng-ba. Tõe tɩ b ratame tɩ y wa rɩk-ba. Modgr ning fãa y sẽn maandã na n wa talla yõod wʋsgo, karen-biigã sã n wa wa a pipi tigsga. —1 Kor. 14:24, 25.

GES-Y VIDEO WÃ: SÕNG-Y NEB NINS Y SẼN ZÃMSD BIIBLÃ TƖ B WAT TIGISSÃ. RẼ POOR BƖ Y LEOK SOGSGÃ:

• 

  Segb-bʋg la a Liza tũnug ne, n bool a Zan t’a wa tigsga?

• 

  Bõe yĩng tɩ d sũur yaa noogo, Biibl karen-biig sã n wat tigissã?

• 

  A Zan sẽn kẽng tigsgã pipi wã, a yãa bõe?