Sõng-y neb nins y sẽn zãmsd Biiblã tɩ b gũus ne tũud-n-ta-yoodã

Sẽn na yɩl n paam a Zeova zoodo, neb nins d sẽn zãmsd Biiblã tog n bao tũud-n-ta-sõma. (Yɩɩn. 15:1, 4) Tũud-n-ta-sõma wã na n sõng-b lame tɩ b maan sẽn yaa tɩrga.—Yel. 13:20; lff sak 48.

Y sã n wa sõngd neb nins y sẽn zãmsd Biiblã tɩ b gũus ne tũud-n-ta-yoodã, bɩ y yɩ wʋmdba. B tõe n maoodame n na n bas b zo-rãmb nins sẽn pa tũud a Zeova wã. Rẽ n so tɩ Biiblã zãmsgã sasa sẽn yãk a toogo, y segd n wilg-b lame tɩ b yell pak-y lame. Wala makre, y tõe n gʋls-b-la mesaaze, bɩ n bool-b ne telefõnne, pa rẽ bɩ n kẽng n tɩ kaag-ba. Biiblã karen-biisã tẽebã pãng sã n paasdẽ, y tõe n bool-b lame tɩ b wa naag yãmb ne y tẽed-n-taasã n kok pemsem. Rẽ poore, b na n yãa vẽenega, tɩ b sẽn paamdã yõod yɩɩda bũmb nins b sẽn bõnã hal zĩig sẽn zãre. (Mark 10:29, 30). Yãmb me na n paama sũ-noogo, y sẽn ne t’a Zeova nin-buiidã sõorã paasdame wã.

GES-Y VIDEO WÃ: SÕNG-Y NEB NINS Y SẼN ZÃMSD BIIBLÃ TƖ B GŨUS NE TŨUD-N-TA-YOODÃ. RẼ POOR BƖ Y LEOK SOGSGÃ:

• Tũud-n-ta-yoodã yaa bõe? (1 Kor. 15:33)

• A Zan yamẽ, kiris-neb sã n na n tigim taab n kok pemsem, yɩta wãn to?

• Bõe la a Liza maan n sõng a Zan t’a bas a tũud-n-ta-yoodã?