D gom yɛl nins sẽn maandã yell koɛɛgã mooneg sasa

Koɛɛgã mooneg sasa, a Zeezi ra gomda yɛl sẽn maan yelle, n tikd rẽ n zãms nebã bũmb wʋsgo. (Luk 13:1-5) Yãmb me tõe n goma yell sẽn maan yelle, tɩ kɩt nebã tʋll n kelg Rĩungã koɛɛgã. Y tõe n goma bao-n kõ-noorã yell sẽn lebg toogã, sabab-wẽnga, tẽng sẽn gudgi, nebã sẽn lebgd dorgã bɩ sɩgaarã yembsã, pa rẽ bɩ yɛl sẽn wõnd woto yelle, tɩ rẽ poor bɩ y sok sokr sẽn na n kɩt tɩ kɛlgdã tagse. Y tõe n sokame yaa: “Yãmb tagsdame tɩ yel-kãngã na n wa saame bɩ?” wall “Yãmb tagsdame tɩ yel-kãngã tɩɩmã yaa bõe?” Rẽ poor bɩ y karem Biiblã vɛrse sẽn gomd rẽ yelle. Kɛlgdã sã n wilg t’a rat n bãng n paasame, wilg-y-yã video wall sebr sẽn naag tõnd koe-moonegã tʋʋm-teedã. D sã n modg tɩ bũmb nins d sẽn taasd d koe-moonegã zĩigẽ nebã kẽ b sũyã, d “maanda bũmb fãa koe-noogã yĩnga.”—1 Kor. 9:22, 23.

Bõe ne bõe yell la y tõe n gom ne yãmb koe-moonegã zĩigẽ nebã, tɩ yɩ-b noogo?