Tũnug-y ne yɛl sẽn maan yaoolem n nek neba ratem

¹ Yãmb nongame n ket n tar tags-sõma sẽn na yɩl tɩ y koe-moonegã kell n tall yamleoogo, la y nek neba ratem ne Biiblã koɛɛg bɩ? Dẽ bɩ y tũnug ne bũmb nins sẽn maand dũniyã pʋgẽ bɩ yãmb zĩigẽ wã n sɩng sõasga. Y tõe n tika yɛl sẽn zĩnd yãmb babgẽ wã bɩ yãmb tẽngẽ wã yaoolem, bɩ dũniyã kɩbay zutu. Bõn-kãens tara toeeng wakat fãa. (1 Kor. 7:⁠31, NW ) Ges-y makr toɛ-toɛy nins sẽn pʋgdã.

² Laogã zu-loees la vɩɩmã sẽn lebg toogã sɩd paka nebã wʋsgo. Woto y tõe n yeelame:

◼ “Yãmb wʋma kɩbayẽ wã tɩ [togs-y sẽn yaa bũmb ningã] ligd le paasdame bɩ?” Bɩ y tõe n goma tʋʋma kaalem yelle, sã n mik tɩ ãnterpiriiz kãseng n yiis tʋm-tʋmdb wʋsg tʋʋma. Sẽn tɩ loe ne yãmb sẽn dat n kẽng ne sõasgã taoor to-to, y tõe n paasame n sʋk tɩ: “Yãmb zoe n sʋka y meng n gese bõe yĩng tɩ paam n kõ noorã lebg toog wʋsg woto?” walla y sʋk tɩ: “Yãmb tagsdame tɩ na n yɩɩ toog wakat fãa tɩ d tõog n paam d noor dɩɩb bɩ?”

³ Kɩbay sẽn tɩ loe ne nen-kɛglem, wala yel-beed sẽn zĩnd zags pʋsẽ bɩ karen-biis sʋk leb n yaa tikr sẽn na yɩl n maan sõasga. Y tõe n sʋkame:

◼ “Yãmb karma zʋrnallã pʋgẽ tɩ [wilg-y yel-beed sẽn maan yãmb zĩigẽ wã]?” Rẽ bɩ y sʋk tɩ: “Yãmb tagsdame tɩ yaa bõe n wat ne nen-kɛglmã wʋsg woto dũniyã pʋgẽ?” walla y sʋk tɩ: “Yãmb tagsdame tɩ wakat n na n tol n wa zĩnd tɩ d tall bãan bɩ?”

⁴ Kɩbay sẽn tɩ loe ne koom sẽn sãam teedo, tẽn-digimdg bɩ tẽng pʋgẽ gudgr dũniyã babs toɛ-toɛ pʋsẽ leb n tara tagsa sẽn nekd ratem. Wala makre, y tõe n sʋkame:

◼ “Rẽ yĩnga yaa Wẽnnaam n tar taal ne [wilg-y tẽng sababã sẽn ya a soaba] bɩ?” Bɩ y tõeeme n gom tẽng pʋgẽ gudgr sẽn pusg tɩ pa kaoos yelle, n yeele: “Neba fãa sã n dat laafɩ, bõe yĩng tɩ yaa toog wʋsg tɩ d paam-a?”

⁵ Gũus-y n bãng yɛl nins sẽn zĩnd yaoolem y sẽn tõe n tũnug ne y sɩngr goamẽ wã. B tõe n yãa sagls sẽn tõe n sõng zĩig ning sẽn yet tɩ “Kɩbaya” Biibl sõss seb-bilã pʋgẽ, seb-neng a 3-4. Baasg zãngã ra bao-y n zĩnd ned ba a ye poorẽ naamã bɩ vɩɩm yɛl wɛɛngẽ ye. Walla tɩ yɩ woto, wilg-y nebã tɩ Gʋlsg Sõamyã la Wẽnnaam Rĩungã la ãdem-biisã zu-loees wakat fãa tɩɩm bala.