Yãk-y y sẽn na n maan a Zeezi kũumã tẽegr sasa

Yʋʋmd fãa, a Zeova nin-buiidã gũuda Tẽegrã wakate n na n paam n naag taab n maane. Semen nins sẽn dẽng Tẽegrã, la Tẽegrã poore, d tũnugda ne segb buud toor-toor n na n waoog a Zeova la d pẽg-a, a Zeezi maoogã yĩnga. (Efɛ. 1:3, 7) Wala makre, d modgda ne d sũur fãa n na n bool d taabã tɩ b wa Tẽegrã. Tõnd sʋkã, kẽer toeemda b yɛlã sẽn na yɩl n dɩk sõngr so-pakrã n moon lɛɛr 30 bɩ 50, tʋʋlg kiuugã wall tʋʋl-nif kiuugã. Yãmb datame n moon koɛɛgã n paas Tẽegrã sasa bɩ? Bõe n tõe n sõng-y tɩ y tõoge?

Naoor wʋsgo, d sã n deng n mag yɛlã n yaool n na n maan bũmbu, d tõogd n maana bũmb wʋsgo. (Yel. 21:5) Tẽegrã sasa sẽn kolgd tao-tao wã yĩnga, yaa masã meng la d segd n sɩng d yɛlã magbo. Tags-y n ges-y y sẽn tõe n maan to-to n paas y koɛɛgã mooneg Tẽegrã sasa, la y yãk y sẽn na n maane, sẽn na yɩl n tõoge. Rẽ poor bɩ y kos a Zeova t’a ning y modgrã barka.—1 Zã 5:14, 15.

Rẽ yĩnga, yãmb nee bũmb kẽer y sẽn tõe n maane, sẽn na yɩl n paas y koɛɛgã mooneg Tẽegrã sasa bɩ?