B maanda modgr wʋsg n sõngd tõndo

Tigims sull yel-gɛtbã ne b pagbã mongda b mens n sõngd tigims nins b sẽn kaagdã nebã, b sẽn nong-bã yĩnga. Bãmb me yaa wa tõndo. B rata bũmb toor-toor sẽn yaa tɩlɛ ne-ba. B mi n yaame, b mi n komsa raoodo, wall b maand yɩɩre. (Zak 5:17) Baa ne rẽ, semen fãa b tagsda b sẽn na n maan to-to n keng tiging ning b sẽn kaagdã nebã raoodã yell n yɩɩda. Tigims sull yel-gɛtbã sɩd “segda ne waoogr wʋsgo.”​—1 Tɩm. 5:17.

Tẽn-tʋmd a Poll sẽn wa n dat n tɩ kaag Rom tigingã neb sẽn na yɩl n kõ-b “kũun sẽn yit Wẽnnaam nengẽ” wã, a sẽn da rat “yaa tɩ ned kam fãa tẽeb na n kenga a to raoodo.” (Rom. 1:11, 12) Yãmb tagsa y sẽn tõe n maan n keng tigims sull yel-gɛtã ne a pagã raood to-to bɩ?

GES-Y VIDEO WÃ: TIGIMS SULL YEL-GƐT SẼN GILGD N KAAGD TIGIMS TẼN-BÕONES PƲSẼ VƖƖM. RẼ POOR BƖ Y LEOK SOGSGÃ:

• Wãn to la tigims sull yel-gɛtbã ne b pagbã mongd b mens n sõngd tigingã nebã, b sẽn nong-bã yĩnga?

  Y leoorã

• Wãn to la b modgrã nafd yãmba?

  Y leoorã

• Wãn to la d tõe n keng-b raoodo?

  Y leoorã