D WILG TƖ D YAA KIRIS-NEB HAKƖƖKA
A Zeova fãagda neb nins raood sẽn komsã
Ned buud fãa sũur mi n sãamame. D sũur sã n wa sãame, pa rat n yeel tɩ d tẽebã pa tar pãng ye. A Zeova meng wilgame tɩ wakat ninga, a sũur mi n sãamame. (Sɩng. 6:5, 6) La yaa wãn to yẽ, d sũurã sã n sãamd naoor wʋsgo, wall wakat fãa?
Pʋʋs-y-yã a Zeova n kos a sõngre. A Zeova ratame tɩ d sũur noom ne d menga, tɩ d yam gãe bãan me. D sũur sã n noomame wall d sũur sã n sãamame, a miime. A wʋmda bũmb ning sẽn kɩt tɩ d tagsd woto wall d sẽn tar manesem a woto wã võore. (Yɩɩn. 7:9b) La sẽn tar yõod n yɩɩda, tõnd yell paka a Zeova, la a tõe n sõng-d lame tɩ d mao ne sũ-sãoong buud fãa.—Yɩɩn. 34:18.
Zãag-y y meng ne tags-kɛgã. D raood sã n komse, d sũ-noogã tõe n boogame, la pa rẽ bal ye. Tõe n sãama tõnd ne a Zeova zoodã me. Woto yĩnga yɩta sõma tɩ d koglg d sũurã rat n yeel tɩ d sẽn sɩd yaa ned ningã.—Yel. 4:23.
GES-Y VIDEO WÃ: TÕND SAAM-BIISÃ SẼN MAAND TO-TO N TAR SŨUR PƲGẼ BÃANE. RẼ POOR BƖ Y LEOK SOGSGÃ:
Bõe takɩ la a Nikki maan-yã, tɩ sõng-a t’a tõog n mao ne a sũ-sãamsã?
Bõe yĩng t’a Nikki ra tagsd tɩ yaa tɩlɛ t’a paam logtoɛɛmb sõngre?—Mat. 9:12.
Bõe la a Nikki maan-yã, tɩ wilgdẽ t’a teega a Zeova?