A Zeezi na n kɩtame tɩ zabã sa

A Zeezi sẽn wa n be tẽngã zugã, a wilgame t’a nonga ninsaalbã wʋsgo, hal n sak n ki ninsaalbã fãagr yĩnga. (Matiye 20:28; Zã 15:13) Ka la bilfu, a na n le wilgame t’a nonga tõndo, n tũnug ne a naamã n ‘kɩt tɩ zab sa dũniyã gill fãa.’—Yɩɩn-sõamyã 46:9.

Ges-y Biiblã sẽn bilgd bũmb nins a Zeezi sẽn na n maanã to-to:

• “Bala a na n fãaga naong soab sẽn kelemd n kot sõngre, n paas nimbãan-ned la ned ning fãa sẽn pa tar sõangda. A na n zoee nimbãan-ned la naong soab nimbãanega. A na n fãaga naong rãmbã vɩɩm. A na n fãag-b-la neb nins sẽn weoogd-bã, la nen-kɛglem dãmbã nusẽ.”—Yɩɩn-sõamyã 72:12-14.

Wãn to la d tõe n wilg tɩ d sũur nooma ne bũmb nins fãa a Zeezi sẽn zoe n maane, la a sẽn na n wa maan tõnd yĩngã? Bũmb a ye d sẽn tõe n maan yaa d bao n bãng n paas “Wẽnnaam Rĩungã koe-noogã” zugu, rat n yeel tɩ koe-noog ning a Zeezi sẽn moonã. (Luk 4:43) Ges-y sõsg ning gom-zug sẽn yaa: “Wẽnnaam Rĩungã yaa bõe?”