A Zeezi na n kɩtame tɩ naongã sa

A Zeezi sẽn zĩnd tẽngã zugã, a wilgame t’a nonga ninsaalbã wʋsgo, sẽn yɩɩd fãa naong rãmbã ne neb nins sẽn maood ne zu-loe-kɛgemsã. (Matiye 9:36) A pʋd n saka kũum meng ninsaalbã nafr yĩnga. (Matiye 20:28; Zã 15:13) Ka la bilfu, a sẽn yaa Wẽnnaam Rĩungã Rĩmã, a na n tũnuga ne a naamã n kɩt tɩ naongã sa dũniyã gill zugu.

Ges-y b sẽn bilgd a Zeezi sẽn na n maan rẽ to-to Biiblã pʋgẽ, hal tɩ be rasãnde:

• “Bɩ a sõng neb nins sẽn yaa nimbãan-neb nin-buiidã sʋkã, la bɩ a fãag naong rãmbã kamba.”—Yɩɩn-sõamyã 72:4.

Wãn to la d tõe n wilg tɩ d sũur nooma ne bũmb nins fãa a Zeezi sẽn maand tõnd yĩng masã wã, la a sẽn na n maan beoog-daarã? Bũmb a ye y sẽn tõe n maan yaa y bao n bãng bũmb wʋsg “Wẽnnaam Rĩungã koe-noogã” wɛɛngẽ. Yaa koe-no-kãng la a Zeezi sẽn da moondã. (Luk 4:43) Karm-y sõsg ning gom-zug sẽn yaa“Wẽnnaam Rĩungã yaa bõe?”