A Zeezi na n kɩtame tɩ wẽnemã sa

A Zeezi mii ned sã n wẽg-d wall a maan-d pãng sẽn zabd to-to. B rõd-a-la bʋʋm-faad yĩnga, b pãb-a-la zaalem yĩnga, la b kao-a bʋʋd kɛgr n yeel t’a segda ne kũum. Rẽ poor b nams-a-la ne wẽnem hal kʋ-a ne kʋ-toaaga. Baa a sẽn da pa tar taalã,a saka ne yamleoog n ki sẽn na yɩl n “kõ a vɩɩmã tɩ yɩ yaood neb wʋsg yĩnga.” (Matiye 20:28; Zã 15:13) Masã a sẽn yaa Wẽnnaam Rĩungã Rĩmã, ka la bilfu, a na n kɩtame tɩ tɩrlem zĩnd dũniyã gill zugu, la a kɩt me tɩ wẽnemã sa wakat fãa yĩnga.—Ezayi 42:3.

Biiblã bilgda vɩɩmã sẽn na n yɩ to-to dũniyã zugu, a Zeezi sã n wa rɩt a naamã:

• “Nin-wẽnsã pa na n le beẽ ye. Fo na n gesa zĩig ning b sẽn da be wã, la fo pa na n yã-b ye. La sik-m-mens rãmbã na n sooga tẽngã. B na n paama sũ-noog wʋsgo, laafɩ wã sẽn na n yɩ wʋsgã yĩnga.”—Yɩɩn-sõamyã 37:10, 11.

Wãn to la d tõe n wilg tɩ d sũur ne bũmb nins fãa a Zeezi sẽn maan tõnd yĩnga masã wã, la a sẽn na n maan beoog-daare? Bũmb a ye y sẽn tõe n maan yaa y bao n bãng bũmb wʋsg “Wẽnnaam Rĩungã koe-noogã” wɛɛngẽ. Yaa koe-no-kãng la a Zeezi sẽn da moondã. (Luk 4:43) Karm-y sõsg ning gom-zug sẽn yaa“Wẽnnaam Rĩungã yaa bõe?”