Bõe yĩng tɩ y moond koɛɛgã zak-zaka?

A Zeezi yeela a karen-biisã tɩ b ‘maan nebã buud fãa tɩ yɩ yẽ karen-biisi.’ (Matye 28:19, 20) A sẽn wa n tʋm a karen-biisã tɩ b moon koɛɛgã, a yeel-b lame tɩ b kẽng nebã zagsẽ. (Matye 10:7, 11-13) A Zeezi kũumã poore, pipi kiris-nebã kell n wɩnga ne koɛɛgã mooneg “neb sʋka, la rot pʋse.” (Tʋʋmã 5:42; 20:20) Tõnd rɩkda pipi kiris-nebã togs-n-taare, n moond zak-zaka, bala d miime tɩ yaa ne rẽ maasem la d paamd n taasd neb wʋsg koɛɛgã.