Yãmb sakdame tɩ b tɩp yãmb bɩ?

N-ye! A Zeova Kaset rãmbã sakda tɩbsgo. Baa d sẽn maood n get d yĩnsã la d laafɩ wã yell sõma wã, sasa kẽere, d mi n ‘baooda tɩpa,’ bɩ logtore. (Luk 5:31) Rũndã-rũndã me a Zeova Kaset rãmb n yaa logtoɛɛmba, wa a Luk sẽn zĩnd pipi kiris-nebã wakatẽ wã.—Koloos-rãmbã 4:14.

Tɩbsg kẽer kɩɩsda Biiblã. Rẽ n so tɩ d pa sakd-b ye. Wala makre, tõnd pa sakd tɩ b ning tõnd zɩɩm ye. Bala, Biiblã gɩdgame tɩ d ra reeg zɩɩm ye. (Tʋʋmã 15:20) Biiblã gɩdga tɩbsg sẽn naag ne zĩn-dãmb yɛla.—Galat-rãmbã 5:19-21.

La baasgo, tɩbsg wʋsg pa kɩɩsd Biiblã ye. Dẽnd bee ne ned fãa yam-yãkre. A Zeova Kaset soab ning tõe n saka tɩbsg ninga, t’a to pa sak ye. Galat-rãmbã 6:5.