D sõngd n met tũudum hakɩɩkã roto, la d get b yelle

B sẽn wa n na n me Israyɛll wẽnd-doogã, tʋʋmã yɩɩ wʋsgo, b yiisa ligd wʋsg me. La nin-buiidã teela tʋʋmdã ne b sũy fãa. (1 Kib. 29:2-9; 2 Kib. 6:7, 8) Wẽnd-doogã meeb poore, Israyɛll nebã sẽn ges-a yell to-to wã sõngd-d lame tɩ d bãng b tẽebã sã n da tara pãnga. (2 Rĩm. 22:3-6; 2 Kib. 28:24; 29:3) Rũndã-rũndã, Rĩungã rot la tigis-kãsemsã rot meeb baooda sẽk la modgr wʋsgo. La d sẽn paam t’a Zeova sõngd tõnd tʋʋm-kãensã pʋgẽ wã noom-d-la wʋsgo, bala, rẽ me yaa bũmb d sẽn maand n waoogd-a.—Yɩɩn. 127:1; Vẽn. 7:15.

D SẼN TÕE N SÕNG TO-TO . . .

• 

  

  D tẽgd zĩigã tigsg fãa poore. Y sã n pa na n tõog n sõng n tẽge, bɩ y modg n da rẽgem zĩigã ye.

• 

  

  B sã n yãk daar n na n yɩlg Rĩungã roog gilli, bɩ d modg n wa sõnge. D sã n yaa wʋsg n na n maneg zĩigã, tara yamleoogo, la noom-d wʋsg me.—lv 92-93 s. 18.

• 

  

  D kõt ligd n sõngd ne tʋʋmã. Tẽeg-y tɩ baa yaa “lagd-bãooneg a yiib” la d kõ-yã, nooma a Zeova.—Mark 12:41-44.

• 

  

  D sõngd n met tũudum hakɩɩkã rot wa d sẽn tõe tɛka, la d get b yelle. Baa d pa mi roog meebo, d tõe n sõngame.