“D segl d mens n kãab nebã periodik rãmbã”

Kiuug fãa, tʋʋmdã tigsg sõsg a ye n wilgd d sẽn tõe n kãab nebã periodik rãmbã to-to. Pa sẽn na yɩl n lebg n tẽeg bũmb nins sẽn be periodik rãmbã pʋsẽ ye. Yaa sẽn na yɩl tɩ koe-moondbã togs d sẽn tõe n kãab periodik rãmbã to-to. Dẽnd saam-biig ning sẽn na n lʋɩ taoor sõsgã sasa wã tog n tũu saglsã, n gom koɛɛg-koɛɛg n wilg bũmb sẽn be periodik rãmbã pʋgẽ n na n yɩ nebã noogo. Rẽ poore a na n tika sõss kẽer zugu, n kos koe-moondbã tɩ b wilg b sẽn tõe n sok sokr ninga, la b sẽn na n karem vɛrse ning n yaool n kãab ned periodikã. Woto, nebã bãngda b sẽn na n maan to-to koɛɛgã mooneg pʋgẽ. A pa na n kos bal tɩ b wilg b sẽn tõe n maan to-to n kãab sebr ye. A tog n deng n kosame tɩ b wilg sokr ning b sẽn tõe n sok tɩ gom-zug ning b sẽn dat n wilgã yamleoog kẽ nebã. Rẽ poor masã t’a sok vɛrse ning b sẽn tõe n karmã. A na n kɩtame tɩ b maan mak-n-wilg periodik fãa zugu. B sagenda tõnd tɩ d modg n karem periodik rãmbã n yaool n wa tigsgã, la d segl d meng n wa wilg d sẽn tõe n yeel bũmb ningã. D fãa sã n segl d mens sõma, na n sõng-d lame tɩ d rɩk yam d taabã nengẽ.—Yel. 27:17.