D tʋm ne periodik rãmbã sõma
[Adapted for Burkĩna Faso]
1. Bõe yĩng tɩ Gũusg Gasgã la Réveillez-vous ! wã kareng tõe n naf nebã n yɩɩd sɛb a tãabã?
1 Rũndã-rũndã, zʋrnall nins b sẽn yiisd dũniyã gill zugã sʋka, Gũusg Gasgã la Réveillez-vous ! wã n yaa sɛb nins sẽn tõe n naf nebã n yɩɩda. Bõe yĩnga? Bala bũmb nins sẽn be b pʋsẽ wã tõe n nafa nebã wakat fãa yĩnga. Wãn to la d tõe n tʋm ne seb-kãensã sõma?
2. Bõe yĩng tɩ d pa segd n bas tɩ periodik rãmbã pa n sãam zaalem?
2 D ra sãam periodik rãmbã ye: Periodik rãmbã tõnd sẽn deegd kiuug fãa wã paada d zakẽ wã n zamdẽ bɩ? Sã n yaa woto, tõe tɩ d reegda sẽn yɩɩd d sẽn segd n deege. D sã n deegd periodik rãmbã n basdẽ tɩ zamd d zakẽ wã, wilgdame tɩ d pa get tɩ seb-kʋdã ket n tara yõod ye. Periodik fãa pʋgẽ, goam nins sẽn be be wã tõe n sõnga ned t’a bãng bũmb a sẽn da rat n bãng Wẽnnaam zugu. Bõe la d tõe n maan tɩ periodik rãmbã ra pa n sãam zaalem?—Zã 6:11-13.
3. Periodik kʋd sã n zama tõnd zakẽ wã bõe la d segd n maane?
3 D tʋm ne periodik kʋdã sõma: D tẽeg tɩ Gũusg Gasgã la Réveillez-vous ! wã tika Biiblã zugu. Baa b kaoos-yã, goam nins sẽn be b pʋsẽ wã ket n tara yõod wʋsgo. (Ezai 40:8) Periodik kʋdã sã n ket n yaa sõma n pa rẽgem la pa yõbe, d segd n kãab-b-la nebã. Periodik rãmbã sã n ket yãmb nengẽ wʋsgo, bõe la y tõe n maane? Togs-y tʋʋmdã yel-gɛta, t’a na n kosa so-pakdb la koe-moondb a taab tɩ b sõng-y n pʋɩ. B leb n tõe n dɩka periodik kʋdã n kõ koe-moondb sẽn na n tɩ moon zĩig tiging sẽn pa so n moondẽ.
4. Bõe la zak soab fãa segd n maane, sẽn na yɩl n sõng a zakã neb tɩ b tʋm ne periodik rãmbã sõma?
4 D bãng d zakã rãmb sẽn sɩd rat periodik rãmb sõor ningã: Naoor wʋsgo, yaa tõnd sẽn deegd periodik rãmbã n yɩɩd d sẽn segd n deegã yĩng n kɩt tɩ paad n zamdẽ wã. Bõe n tõe n sõng y tɩ y bãng sõor ning sẽn sɩd zems ne y zakã rãmba? Zak soab fãa segd n gʋlsa zakã neb nins sẽn tõe n karmã sõore, la ned fãa raab sẽn yaa a soaba. Ned fãa segd n talla Gũusg Gasg fãa a ye, la Réveillez-vous ! a ye a meng yĩnga. Rẽ poor bɩ y bao n bãng sõor takɩ sẽn na n sek-b koɛɛgã mooneg yĩnga. Zakã soab segd n bao n bãnga zakã ned fãa sẽn tõogd n pʋɩt sõor ning kiuug fãa. Y sã n maan woto, y na n bãnga y sã n segd n booga periodik rãmbã sõor bɩ y sã n na n basa woto. Periodik rãmbã sã n zam tõnd roogẽ wã bɩ d kordẽ wã, fãagr koɛɛgã sẽn be b pʋsẽ wã pa na n naf neb nins sẽn baood sɩdã ye.
5. Wãn to la d tõe n wilg tɩ periodik rãmbã tara yõodo?
5 Tõnd ratame tɩ periodik rãmbã sõng pʋ-peelem dãmbã tɩ b bãng a Zeova raabã, bala yaa rẽ yĩng la b sẽn yiisd-bã. Woto yĩnga, bɩ d bãng periodik rãmb sõor ning takɩ d sẽn na n deeg tɩ zemse, la d tʋm ne-b sõma tɩ naf neb a taabã.—Fil. 4:5, NW.