Yaa tɩlae tɩ y yals bɩ?

Koe-moondb kẽer sã n moondẽ, b nong n yalsda wakat takɩ b sẽn yãke, walla makre diizɛɛrã sasa. Sɩd me, ned yɛl sẽn pa wõnd a to wã yĩnga, tõe n wa yɩɩ tɩlae tɩ koe-moond ning yãk wakat n yals koɛɛgã moonego. La rẽ yĩnga, yãmb me yalsda moonegã neb a taabã sẽn yalsã yĩng bal bɩ, bɩ yaa yãmb babgẽ wã saam-biisã sẽn nong n yalsd wakat kãng yĩnga? Bõe yĩng tɩ y pa na n moon bilf n paas wall y moon soayã noy la zĩis a taab nebã sẽn beẽ? Y sã n wa kuusẽ, y tõe n bʋdg n kaaga nin-yɛng wall neb a yiibu. Y sã n mik baa yaa ned a ye sẽn da rat n bãng n paas n sõs ne-a, bɩ n tõog n kõ so-loaad ning periodiki, na n naf-a-la wʋsgo. Sã n pa tɩlae tɩ y yalse, bɩ y moon minit a wãn n paas tɩ y na n tõog n pẽga Wẽnnaam n paase.—Heb. 13:15.