D gom a Zezi yell ne yẽesem

D sã n mi d sẽn na n sõng nebã to-to tɩ b bãng a Zezi sõma, paasda d yẽesmã. A Zezi la tẽeb hakɩkã yẽbgr pãng kugri. (Ef. 2:20) Yaa a Zezi maasem yĩng bal la d tõe n wa paam fãagre. (Tʋʋ. 4:12) Woto yĩnga, segdame tɩ d sõng nebã tɩ b bãng tʋʋmd ning a Zezi sẽn tar Wẽnnaam daabã pidsg pʋgẽ. Tũudum wʋsg wilgda nebã bũmb toor-toor sẽn pa yit Biiblã pʋgẽ. Bʋko, tõe n yɩɩ sabab tɩ nin-kãensã wa kong bark nins sẽn tẽed-b a Zezi wã sẽn na n paamã. D sã n nong tũudum hakɩkã ne d sũur fãa, d na n sõnga sũ-tɩrs rãmbã tɩ b bãng a Zezi sõma, la b bãng tʋʋmd ning a sẽn tar Wẽnnaam raabã pidsg pʋgẽ. Woto wã, tẽegrã kiis sasa bɩ d gom a Zezi yell ne yẽesem.