Y sẽn na n bãng bũmb ning Wẽnnaam Gomdã pʋgẽ

Yaa Wẽnnaam goam n be Biiblã pʋgẽ, koees a sẽn taasd tõndo. Biiblã wilgda tõnd d sẽn tõe n maan tɩ d vɩɩmã tall barka, la tɩ Wẽnnaam me sũur yɩ noog ne-do. A leb n sõngda tõnd tɩ d paam sogsg leoore. Wala makre:

1 Bõe la Biiblã yet Wẽnnaam zugu?
2 D maanda wãn n bãng Wẽnnaam sõma?
3 Ãnd n so Biiblã?
4 Biiblã tara goam sẽn zems ne siãnsã bɩ?
5 Koe-bʋg la Biiblã taasd tõndo?
6 Bõe la Biiblã reng n togs Mesi wã zugu?
7 Biiblã reng n wilgame tɩ bõe n na n zĩnd rũndã-rũndã?
8 Ãdem-biisã sẽn namsdã yaa Wẽnnaam yell bɩ?
9 Bõe yĩng tɩ ninsaalbã namsdẽ?
10 Biiblã wilgdame tɩ vɩɩmã na n yɩɩ wãn beoog-daare?
11 Ned kũum poore, bõe n maande?
12 Koe-noog n be sẽn ki-bã yĩng bɩ?
13 Bõe la Biiblã yet tʋʋmã wɛɛngẽ?
14 Bõe la d tõe n maan n gil ligd zu-loeese?
15 Bõe la d tõe n maan n paam sũ-noog hakɩɩka?
16 Bõe la ned tõe n maan t’a yɩɩrã booge?
17 Wãn to la Biiblã tõe n sõng zak rãmba?
18 Bõe la d tõe n maan n paam n lebg Wẽnnaam zoa?
19 Bõe n be Biiblã sɛb toor-toorã pʋgẽ?
20 Wãn to la m na n maan tɩ Biiblã kareng sɩd naf-ma?

Y MAANDA WÃN N BÃNG N LAK BIIBLÃ ZĨIG B SẼN WILGI?

Biiblã yaa sɛb 66 sẽn naag taaba. B pʋɩ-a-la zĩis a yiibu. Pipi wã yaa sɛb nins b sẽn da gʋls ne Ebre la Arameyẽ wã (“Kãab-kʋdgã”). Yiib-n-soabã yaa sɛb nins b sẽn da gʋls ne Gɛrkã (“Kãab-paalgã”). Biiblã sebr fãa pʋɩɩ sak-saka, tɩ sak fãa tar vɛrse-rãmba. B sã n na n wilg zĩig b sẽn dat tɩ y karme, b rengd n wilga sẽn yaa Biiblã sebr ningã. Pipi nimero wã wilgda sẽn yaa seb-kãng sak ningã. Nimero-rãmbã sẽn ketã wilgda vɛrse nins y sẽn tog n karmã. Wala makre, b sã n yeel tɩ Sɩngre 1:1, yaa Sɩngr sebrã, sak a 1, vɛrse a 1.