D kõt taab sugri

1. Wẽnnaam sẽn nong tõndã,

a tʋma yẽ Bi-nongrã,

tɩ d tõe n paam d beegrã sugri,

la d wa paam vɩɩm sẽn kõn sa.

A Zezi kii tõnd fãa yĩnga,

tɩ ned ning sẽn kot sugri,

tõe n sɩd paam a beegrã sugri,

a Zezi maasem yĩnga.

2. Tõnd sã n dɩk Wẽnd makrã,

n sakdẽ n kõt taab sugri,

n kʋmd taab la d sɩd nong taaba,

a na n kõo tõnd me sugri.

Bɩ d tall sũ-mar ne taab daar fãa,

la d ra bao n dok d sũur ye.

D waoogd saam-biisã sõma.

Rẽ la nonglem hakɩka.

3. Bɩ tõnd fãa mao sõma,

n sɩd yɩ nimbãan-zoɛtba,

tɩ kɩt tɩ d ra kisg neda,

la d ra tall beem ne ned ye.

Tõnd sã n dɩk a Zeova makrã,

n tall nonglem wa yẽnda,

tõnd na n sɩd kõta taab sugri,

n yɩ wa d saasẽ Ba wã.