D moon zak-zaka

1. Zak ne zak fãa, roog ne roog fãa,

Wẽnnaam koɛɛg la d moonda.

Tẽns fãa pʋsẽ, Wẽnnaam nebã

paamda zãmseg sõma.

Wẽnnaam Rĩungã koe-no-kãngã

na n moona zĩisã fãa.

Kambã la kãsembã fãa me

sakda a Zezi noorã.

2. Zak ne zak fãa, roog ne roog fãa,

fãagrã koɛɛg la d taasda.

Ned ning sẽn kot ne a Zeova yʋʋr

na n sɩd paama fãagre.

La b yɩta wãn n kos ne a yʋʋr

b sã n ka mi yẽnda?

Bɩ d moon Wẽnnaam yʋʋrã zĩig fãa

tɩ nebã fãa wʋme.

3. Bɩ d fãa kẽnge, zak ne zaka,

n moon Rĩungã koɛɛgã.

B na sake, bɩ b na zãgse,

rẽnda bee ne bãmba.

Tõnd we n moon a Zeova yʋʋrã

la d togs a raabã fãa.

Tõnd sã n sɩd kẽng zak ne zak fãa,

tõnd na n yãa Wẽnd piisã.