Y sẽn tõe n yeele:

Y sẽn tõe n sɩng Biibl zãmsg ne nebã zĩ-likr kiuugã pipi sibrã to-to

“Neb wʋsg yetame tɩ nebã pa le vɩ n kaoosdẽ ye. Yãmb tẽedame tɩ b na n wa tõogame tɩ bãasã sa, tɩ nebã paam yõ-wok n paas bɩ? [Bas-y t’a leoke.] Ges-y seb-kãngã sẽn yet bũmb ninga.” Kõ-y-yã-a zĩ-likr kiuugã pipi daar Gũusg Gasgã la y lak seb-neng 16 zĩigẽ, n karem sẽn be pipi gom-zu-bilã tẽngrã la vɛrse nins sẽn be be wã a ye, la y sõs y sẽn karmã zug bilfu. Rẽ poor bɩ y kãab-a periodik rãmbã, la y rɩk sɛk n lebg n tɩ leok sokr ning sẽn pʋgdã.

Gũusg Gasgã Zĩ-likri, 1

“Neb wʋsg maanda yɩɩre, zãmbã la wẽgbã sẽn lebg wʋsg koosmã ne tʋʋmã zĩisẽ, la goosneemã yɛl pʋgẽ wã yĩnga. Yãmb tagsdame tɩ yel-kãngã tara tɩɩm bɩ? [Bas-y t’a leoke.] M bõos n karem a Zezi sẽn na n wa maan bũmb ning n sõng b sẽn wẽgd-b rãmbã, tɩ y kelge. [Karm-y Yɩɩl Sõamyã 72:12-14.] Seb-kãngã togsda sẽn na n yɩ to-to tɩ zãmbã la wẽgbã sa ka la bilfu.”

Réveillez-vous ! Zĩ-likri

“Roagd fãa ratame t’a kamb karem n paam bãngr sõma. Yãmb tagsdame tɩ bãngr ning kom-bɩɩsã sẽn paamd lekollẽ wã rũndã-rũndã wã seka b na tõog n mao ne zu-loeesã bɩ? [Bas-y t’a leoke.] Kelg-y bũmb Biiblã sẽn yet bãngrã la yamã yõodã wɛɛngẽ. [Karm-y Koɛɛg Soab 7:12.] Sagls a nu la b kõt seb-kãngã pʋgẽ, tɩ tõe n sõng kambã tɩ b karengã yãk nenga.”