Salmi

56 Ħenn għalija, O Alla, għax il-​bniedem mortali pprova jaħtafni f’ħalqu.+

Il-​jum kollu jiġġilidli u jaħqarni.+

 2 L-għedewwa tiegħi pprovaw jaħtfuni f’ħalqhom il-​jum kollu.+

Hemm ħafna li qed jiġġilduli għax iħossuhom superjuri.+

 4 Billi jien f’unjoni m’Alla, se nfaħħar kelmtu.+

F’Alla fdajt jien; m’iniex se nibżaʼ.+

X’jistaʼ jagħmilli l-​bniedem tal-​laħam?+

 5 Il-jum kollu jagħmluli l-​ħsara;

Ħsibijiethom kollha huma kontrija biex jagħmluli d-​deni.+

 6 Jattakkaw, jinħbew,+

Joqogħdu jqisu l-​passi tiegħi,+

Waqt li jistennew biex jiħduli ħajti.+

 7 Warrabhom minħabba l-​uġigħ li jikkaġunaw.+

Fir-​rabja tiegħek waqqaʼ lill-​popli, O Alla.+

 8 Int niżżilt bil-​miktub li jien maħrub.+

Poġġi fi flixkun tal-​ġild id-​dmugħ tiegħi.+

M’huwiex dan fil-​ktieb tiegħek?+

 9 F’dak iż-​żmien, l-​għedewwa tiegħi jerġgħu lura, dakinhar li nsejjaħlek;+

Dan naf sew, li Alla hu favur tiegħi.+

10 Billi jien f’unjoni m’Alla,+ se nfaħħar kelmtu;

Billi jien f’unjoni maʼ Ġeħova, se nfaħħar kelmtu.+

11 F’Alla fdajt jien. M’iniex se nibżaʼ.+

X’jistaʼ jagħmilli l-​bniedem?+

12 Jien, O Alla, marbut bil-​wegħdi li għamiltlek.+

Jien se noffrilek espressjonijiet taʼ radd il-​ħajr.+

13 Għax int ħlistli ruħi mill-​mewt+—

Ma ħlistlix int saqajja mit-​tfixkil?+—

Sabiex inkun nistaʼ nimxi quddiem Alla fid-​dawl tal-​ħajjin.+