Salm

143 Ġeħova, ismaʼ t-talba tiegħi;

Agħti kas it-talba tiegħi għall-għajnuna.

 2 Jien il-qaddej tiegħek. Tiġġudikanix,

Għax ħadd ma jistaʼ jkun ġust f’għajnejk.

 3 Għax l-għadu tiegħi qed jiġri warajja;*

Hu għaffiġni mal-art sakemm qatilni.

 4 Jien* qed niddgħajjef;

M’għadni nħoss xejn.

 5 Jien niftakar fi żmien twil ilu;

Nimmedita fuq dak kollu li għamilt int;

Jien naħseb sew* dwar xogħol idejk.

 6 Jien għollejt idejja lejk biex nitlob;

Qed* nistenniek bħalma art niexfa tistenna x-xita. (Sela)

 7 Ġeħova, fittex wiġibni;

Saħħti* qed tiddgħajjef.

Taħbix wiċċek minni,

Inkella nsir bħal dawk li neżlin fil-ħofra.*

 8 Ħallini nesperjenza l-imħabba u l-lealtà* tiegħek filgħodu,

Għax jien nafda fik.

Urini kif għandi ngħix,

Għax jien lilek nitlob biex tiggwidani.*

10 Għallimni nagħmel dak li trid int,

Għax int l-Alla tiegħi.

Int tajjeb;

Jalla tiggwidani bl-ispirtu tiegħek

Biex inkun nistaʼ nevita l-perikli u d-diffikultajiet.*

12 Ġib fix-xejn* lill-għedewwa tiegħi,

Għax int turi mħabba u lealtà;

Eqred lil dawk kollha li qed jaħqruni,*

Għax jien il-qaddej tiegħek.