Lil Titu
1 Pawlu, ilsir+ t’Alla u appostlu+ taʼ Ġesù Kristu skond il-fidi tal-magħżulin+ t’Alla u l-għarfien eżatt+ dwar il-verità+ li hi fi qbil mad-devozzjoni lejn Alla+ 2 bbażata fuq it-tama tal-ħajja taʼ dejjem.+ Alla, li ma jistax jigdeb,+ din wegħedhielna minn żmien twil ilu,+ 3 u fiż-żmien xieraq tiegħu wera kelmtu fl-ippridkar li bih jien kont fdat+ bil-kmand t’Alla, is-Salvatur tagħna.+ 4 Lil Titu, iben ġenwin+ fil-fidi li għandna komuni bejnietna:
Qalb tajba mhix mistħoqqa u paċi mingħand Alla l-Missier+ u Kristu Ġesù s-Salvatur tagħna.+
5 Għal din ir-raġuni ħallejtek fi Kreta,+ biex tkun tistaʼ tikkoreġi l-affarijiet difettużi u tkun tistaʼ taħtar+ anzjani f’belt wara l-oħra, bħalma ordnajtlek.+ 6 Min jinħatar m’għandux ikollu fuqiex jiġi akkużat,+ ikun raġel taʼ mara waħda,+ li għandu tfal jemmnu u m’humiex akkużati li huma sfrattati jew ribellużi.+ 7 Għax indokratur m’għandux ikollu fuqiex jiġi akkużat+ bħala l-prokuratur t’Alla,+ m’għandux ikun taʼ rasu,+ ma jitilgħulux malajr,+ ma jiskirx u jaqlaʼ l-inkwiet,+ ma jsawwatx,+ mhux rgħib għal qligħ diżonest,+ 8 imma għandu juri l-ospitalità,+ iħobb it-tjubija, ikun moħħu f’loku,+ ġust, leali,+ irażżan lilu nnifsu;+ 9 u fil-mod kif jgħallem iżomm sod mal-kelma li tistaʼ tafdaha,+ biex ikun jistaʼ jħeġġeġ bit-tagħlim mimli saħħa+ u jwiddeb+ lil dawk li jikkontradixxu.
10 Għax hemm ħafna li huma ribellużi, ilabalbu fil-vojt,+ u jqarrqu bl-imħuħ, speċjalment dawk li jżommu maċ-ċirkonċiżjoni.+ 11 Lil dawn hemm bżonn li nagħlqulhom ħalqhom, għax qegħdin jaqilbu familji sħaħ+ billi għal qligħ diżonest jgħallmu affarijiet li ma jmisshomx jgħallmu.+ 12 Ċertu wieħed minnhom, profeta tagħhom stess, qal: “Il-Kretin huma dejjem giddibin, bhejjem salvaġġi u perikolużi,+ nies b’kilba għall-ikel u li ma jaħdmux.”
13 Din ix-xiehda hi vera. Għal din l-istess raġuni kompli widdibhom bl-aħrax,+ biex ikunu jistgħu jissaħħu+ fil-fidi, 14 u ma jagħtux kas il-ħrejjef Lhud+ u l-kmandamenti taʼ bnedmin+ li jitbiegħdu mill-verità.+ 15 Kollox nadif għal min hu nadif.+ Imma għal dawk li huma mniġġsin+ u bla fidi+ xejn m’hu nadif, għax kemm l-imħuħ u kemm il-kuxjenzi tagħhom+ huma mniġġsin. 16 Huma jistqarru pubblikament li jafu lil Alla,+ imma jiċħduh b’dak li jagħmlu,+ għaliex huma mistkerrhin u diżubbidjenti u m’huma approvati+ għal ebda xorta t’għemil tajjeb.
2 Int, madankollu, ibqaʼ għid dak li jixraq lit-tagħlim mimli saħħa.+ 2 L-irġiel imdaħħlin fiż-żmien,+ ħa jkunu moderati fi drawwiethom, serji,+ moħħhom f’loku, f’saħħithom fil-fidi,+ fl-imħabba, fis-sabar.+ 3 Bl-istess mod in-nisa mdaħħlin fiż-żmien,+ ħa juru l-biżaʼ t’Alla fl-imġiba tagħhom, ma jimmalafamawx,+ ma jkunux ilsiera taʼ ħafna nbid, imma jkunu għalliema taʼ dak li hu tajjeb; 4 b’hekk ikunu jistgħu jġibu f’sensihom lin-nisa żgħażagħ biex iħobbu lil żwieġhom,+ iħobbu lil uliedhom,+ 5 ikunu moħħhom f’loku, safjin,+ ħaddiema fid-dar, tajbin, sottomessi+ lejn żwieġhom, sabiex il-kelma t’Alla ma tkunx immaqdra.+
6 Bl-istess mod ibqaʼ ħeġġeġ lill-irġiel żgħażagħ biex ikunu moħħhom f’loku,+ 7 u f’kollox uri li int t’eżempju f’għemejjel tajbin;+ uri safa+ fit-tagħlim tiegħek,+ serjetà; 8 uża kliem mimli saħħa li ma jistax jiġi kundannat,+ sabiex min hu kontra jistħi, għax ma jkollu xejn vili x’jgħid fuqna.+ 9 L-ilsiera,+ ħa jkunu sottomessi lejn is-sidien tagħhom f’kollox,+ u jogħġbuhom sew, ma jirrispondux,+ 10 ma jisirqux,+ imma juru fedeltà sħiħa,+ sabiex isebbħu f’kollox it-tagħlim t’Alla, is-Salvatur tagħna.+
11 Għax intweriet+ il-qalb tajba mhix mistħoqqa+ t’Alla li ġġib is-salvazzjoni+ lil kull xorta taʼ bnedmin+ 12 u li tgħallimna nwarrbu dak kollu li hu kontra r-rieda t’Alla+ u x-xewqat tad-dinja+ u ngħixu sewwa b’moħħ f’loku u b’devozzjoni lejn Alla+ f’din is-sistema.+ 13 Dan nagħmluh waqt li nistennew it-tama hienja+ u l-manifestazzjoni glorjuża+ tal-kbir Alla u taʼ Kristu Ġesù, is-Salvatur tagħna, 14 li ta lilu nnifsu+ għalina biex jeħlisna+ minn kull xorta taʼ ħażen u jnaddaf+ għalih innifsu poplu esklużivament tiegħu,+ żeluż għal għemejjel tajbin.+
15 Ibqaʼ għid dawn l-affarijiet u ħeġġeġ u widdeb bl-awtorità sħiħa li ngħatatlek biex tikkmanda.+ Qatt tħalli lil min imaqdrek.+
3 Ibqaʼ fakkarhom biex ikunu sottomessi+ u ubbidjenti lejn il-gvernijiet u l-awtoritajiet bħala ħakkiema,+ lesti għal kull għemil tajjeb,+ 2 ma jitkellmu fuq ħadd b’mod inġurjuż, ma jkunux ġellidin,+ imma jkunu raġunevoli,+ u kollhom ħlewwa maʼ kulħadd.+ 3 Għax anki aħna darba konna bla sens, diżubbidjenti, imqarrqin, ilsiera taʼ diversi xewqat u pjaċiri, mgħaddsin fil-ħażen u l-għira, mistmerrin, nobogħdu lil xulxin.+
4 Madankollu, meta ntweriet+ il-qalb tajba+ u l-imħabba lejn il-bniedem min-naħa t’Alla, is-Salvatur tagħna,+ 5 dan ma kienx għax konna wettaqna+ xi għemejjel+ ġusti. Imma fi qbil mal-ħniena tiegħu,+ hu salvana permezz tal-ħasil+ li tana l-ħajja+ u billi ġeddidna bl-ispirtu qaddis.+ 6 Dan l-ispirtu hu ferrgħu fuqna b’mod għani permezz taʼ Ġesù Kristu s-Salvatur tagħna,+ 7 sabiex, wara li niġu dikjarati ġusti+ minħabba l-qalb tajba mhix mistħoqqa tiegħu,+ aħna nkunu nistgħu nsiru werrieta+ skond it-tama tal-ħajja taʼ dejjem.+
8 Minnu hu dan li ntqal,+ u dwar dawn l-affarijiet nixtieqek tibqaʼ tisħaq b’sodizza, sabiex dawk li emmnu f’Alla jkunu jistgħu jikkonċentraw fuq li jagħmlu għemejjel tajbin.+ Dan hu tajjeb u taʼ ġid għall-bnedmin.
9 Imma aħrab il-kwistjonijiet bla sens+ u l-ġenealoġiji+ u l-ġlied+ u t-tilwim fuq il-Liġi,+ għax dawn huma bla siwi u fiergħa. 10 Bniedem li jipprova jifforma setta+ warrbu+ wara li twiddbu għal darba darbtejn;+ 11 għax taf li bniedem bħal dan żvija mit-triq u qed jidneb, u b’hekk ikkundanna lilu nnifsu.+
12 Meta nibgħatlek lil Artema jew lil Tikiku,+ agħmel l-almu tiegħek biex tiġi għandi f’Nikopoli, għax hemmhekk iddeċidejt li ngħaddi x-xitwa.+ 13 Agħti lil Żenas, li jaf il-Liġi, u lil Apollo kulma għandhom bżonn għall-vjaġġ tagħhom, biex ma jkun jonqoshom xejn.+ 14 Imma ħa jitgħallmu n-nies tagħna wkoll jagħmlu għemejjel tajbin sabiex jissodisfaw il-ħtiġijiet urġenti tagħhom,+ biex ma jkunux bla frott.+
15 Dawk kollha li qegħdin miegħi jibagħtu jsellu għalik.+ Sellili għal dawk li għandhom affezzjoni lejna fil-fidi.
Jalla l-qalb tajba mhix mistħoqqa tkun magħkom ilkoll.+