L-Ewwel taʼ Ġwanni
1 Dwar dak li kien mill-bidu,+ li smajna,+ li rajna b’għajnejna,+ li ħarisna+ lejh b’attenzjoni, u li ħassejna b’idejna,+ dwar il-kelma tal-ħajja,+ 2 (iva, il-ħajja ntweriet,+ u aħna rajnieha u qed nixhdulkom+ u nirrapportawlkom il-ħajja taʼ dejjem+ li kienet mal-Missier u li ntweritilna,) 3 dak li rajna u smajna qed nirrapportawhulkom ukoll,+ sabiex intom ukoll tissieħbu magħna.+ Iktar minn hekk, din is-sħubija+ tagħna hi mal-Missier u maʼ Ibnu Ġesù Kristu.+ 4 U għalhekk qed niktbu dan, sabiex il-ferħ tagħna jkun sħiħ.+
5 U dan hu l-messaġġ li smajna mingħandu u li qed inħabbrulkom,+ li Alla hu dawl+ u m’hemm ebda dlam fih.+ 6 Jekk ngħidu: “Aħna mseħbin miegħu,” iżda nibqgħu mexjin fid-dlam,+ qed nigdbu u m’aħniex nipprattikaw il-verità.+ 7 Madankollu, jekk qed nimxu fid-dawl bħalma hu stess qiegħed fid-dawl,+ aħna mseħbin maʼ xulxin,+ u d-demm+ taʼ Ibnu Ġesù jnaddafna+ minn kull dnub.+
8 Jekk ngħidu: “M’għandniex dnub,”+ qed inqarrqu bina nfusna+ u l-verità m’hijiex fina. 9 Jekk nistqarru dnubietna,+ tant hu leali u ġust li jaħfrilna dnubietna u jnaddafna minn kull ħaġa li mhix sewwa.+ 10 Jekk ngħidu: “Ma dnibniex,” inkunu qed nagħmluh giddieb, u kelmtu ma tkunx fina.+
2 Uliedi ċkejknin, qed niktbilkom dan biex ma tidinbux.+ Iżda jekk xi ħadd jidneb, għandna ajjutant+ mal-Missier, lil Ġesù Kristu, li hu ġust.+ 2 Hu wkoll sagrifiċċju+ propizjatorju*+ għal dnubietna,+ iżda mhux għal dnubietna+ biss imma wkoll għad-dnubiet tad-dinja kollha.+ 3 U b’dan għandna l-għarfien li sirna nafuh, jiġifieri, jekk inkomplu nosservaw il-kmandamenti tiegħu.+ 4 Min jgħid: “Sirt nafu,”+ iżda mhux qed josserva l-kmandamenti tiegħu,+ hu giddieb, u l-verità mhix fih.+ 5 Imma kulmin josserva kelmtu,+ tassew li l-imħabba t’Alla ntgħamlet perfetta f’dan il-bniedem.+ B’dan għandna l-għarfien li aħna f’unjoni miegħu.+ 6 Min jgħid li għadu f’unjoni+ miegħu għandu l-obbligu li hu wkoll jibqaʼ miexi bħalma mexa hu.+
7 Maħbubin, m’iniex qed niktbilkom kmandament ġdid, imma kmandament qadim+ li ngħatajtu sa mill-bidu.+ Dan il-kmandament qadim hu l-kelma li smajtu. 8 Iżda qed niktbilkom kmandament ġdid, kmandament li hu veru kemm fil-każ taʼ Ġesù u kemm fil-każ tagħkom, għax id-dlam+ qed jgħib u d-dawl veru+ diġà qed jiddi.
9 Min jgħid li qiegħed fid-dawl iżda jobgħod+ lil ħuh għadu fid-dlam s’issa.+ 10 Min iħobb lil ħuh jibqaʼ fid-dawl,+ u fil-każ tiegħu m’hemm ebda raġuni għal tfixkil.+ 11 Imma min jobgħod lil ħuh qiegħed fid-dlam u miexi fid-dlam,+ u ma jafx fejn sejjer,+ għax id-dlam għamielu għajnejh.
12 Ulied żgħar, qed niktbilkom għax dnubietkom inħafrulkom minħabba ismu.+ 13 Missirijiet, qed niktbilkom għax sirtu tafuh lil dak li hu mill-bidu.+ Żgħażagħ,+ qed niktbilkom għax intom irbaħtu lill-Ħażin.+ Ulied żgħar,+ niktbilkom għax sirtu tafu lill-Missier.+ 14 Missirijiet,+ niktbilkom għax sirtu tafuh lil dak li hu mill-bidu.+ Żgħażagħ, niktbilkom għax intom b’saħħitkom+ u l-kelma t’Alla tibqaʼ fikom,+ u intom irbaħtu lill-Ħażin.+
15 Tħobbux id-dinja u lanqas dak li hemm fid-dinja.+ Jekk xi ħadd iħobb id-dinja, l-imħabba tal-Missier mhix fih;+ 16 għax kulma hemm fid-dinja+—ix-xewqa tal-laħam+ u x-xewqa taʼ l-għajnejn+ u l-iffanfrar bil-mezzi tal-ħajja+—ma joriġinax mill-Missier, imma mid-dinja.+ 17 Iktar minn hekk, id-dinja tgħaddi u x-xewqa tagħha wkoll,+ imma min jagħmel ir-rieda+ t’Alla jibqaʼ għal dejjem.+
18 Ulied żgħar, din hi l-aħħar siegħa,+ u, bħalma smajtu li ġej l-antikrist,+ saħansitra issa hawn ħafna antikristijiet;+ u minn dan il-fatt sirna nafu li hi l-aħħar siegħa. 19 Huma ħarġu minn fostna, imma ma kinux it-tip tagħna;+ għax kieku kienu t-tip tagħna, kienu jibqgħu magħna.+ Imma huma ħarġu biex jintwera li mhux ilkoll huma t-tip tagħna.+ 20 U intom ġejtu midlukin mill-qaddis;+ intom ilkoll għandkom l-għarfien.+ 21 Ma niktbilkomx għax ma tafux il-verità,+ imma għax tafuha,+ u għax ebda gidba ma toriġina mill-verità.+
22 Min hu l-giddieb jekk mhux dak li jiċħad li Ġesù hu l-Kristu?*+ Dan hu l-antikrist,+ dak li jiċħad lill-Missier u lill-Iben.+ 23 Kulmin jiċħad lill-Iben lanqas lill-Missier m’għandu.+ Min jistqarr+ lill-Iben għandu lill-Missier ukoll.+ 24 Iżda intom ħa jibqaʼ fikom dak li smajtu sa mill-bidu.+ Jekk dak li smajtu sa mill-bidu jibqaʼ fikom, intom ukoll tibqgħu f’unjoni+ maʼ l-Iben u f’unjoni mal-Missier.+ 25 Iktar minn hekk, din hi l-ħaġa li wegħedna hu stess, il-ħajja taʼ dejjem.+
26 Dan qed niktbilkom dwar dawk li qed jipprovaw iqarrqu bikom.+ 27 Iżda intom, id-dlik+ li rċivejtu mingħandu jibqaʼ fikom, u m’għandkomx bżonn min jgħallimkom;+ imma, bħalma d-dlik mingħandu qed jgħallimkom dwar kollox,+ u hu veru+ u mhux gidba, u bħalma għallimkom, ibqgħu f’unjoni+ miegħu. 28 Għalhekk issa, ulied ċkejknin,+ ibqgħu f’unjoni+ miegħu, sabiex meta jintwera+ jkollna l-libertà tal-kelma+ u ma nitbegħdux minnu bil-mistħija fil-preżenza tiegħu.+ 29 Jekk tafu li hu ġust,+ issiru tafu li kulmin jipprattika l-ġustizzja twieled minnu.+
3 Ara liema xorta taʼ mħabba+ tana l-Missier, sabiex nissejħu wlied Alla;+ u hekk aħna. Huwa għalhekk li d-dinja+ ma tafniex, għax ma saritx taf lilu.+ 2 Maħbubin, issa aħna wlied Alla,+ imma s’issa għadu ma ntweriex x’se nkunu.+ Nafu li meta jintwera+ se nkunu bħalu,+ għax narawh kif inhu.+ 3 U kulmin għandu din it-tama mqiegħda fih jippurifika+ lilu nnifsu, bħalma hu stess hu pur.+
4 Kulmin jipprattika d-dnub+ qed jipprattika wkoll il-ksur tal-liġi,+ u għalhekk id-dnub+ hu ksur tal-liġi. 5 Intom tafu wkoll li hu ntwera biex ineħħilna dnubietna,+ u fih m’hemm ebda dnub.+ 6 Kulmin jibqaʼ f’unjoni+ miegħu ma jipprattikax id-dnub;+ kulmin jipprattika d-dnub la rah u lanqas sar jafu.+ 7 Ulied ċkejknin, tħallu lil ħadd iqarraq bikom; min jipprattika l-ġustizzja hu ġust, bħalma hu stess hu ġust.+ 8 Min jipprattika d-dnub joriġina mix-Xitan, għax ix-Xitan ilu jidneb sa mill-bidu.+ Għalhekk intwera+ l-Iben t’Alla, jiġifieri, biex ikisser l-għemejjel tax-Xitan.+
9 Kulmin twieled minn Alla ma jipprattikax id-dnub,+ għax iż-żerriegħa riproduttiva Tiegħu tibqaʼ fi bniedem bħal dan, u ma jistax jipprattika d-dnub, għax twieled minn Alla.+ 10 Ulied Alla u wlied ix-Xitan jidhru ċar minn dan il-fatt: Kulmin ma jipprattikax il-ġustizzja+ ma joriġinax minn Alla, lanqas min ma jħobbx lil ħuh.+ 11 Għax dan hu l-messaġġ li smajtu sa mill-bidu,+ li għandna nħobbu lil xulxin;+ 12 mhux bħal Kajjin, li oriġina mill-Ħażin u qatel+ lil ħuh. U għala qatlu? Għax l-għemejjel tiegħu kienu mill-agħar,+ imma taʼ ħuh kienu ġusti.+
13 Ħuti, tistagħġbux li d-dinja tobgħodkom.+ 14 Aħna nafu li mill-mewt għaddejna għall-ħajja,+ għax inħobbu lill-aħwa.+ Min ma jħobbx jibqaʼ fil-mewt.+ 15 Kulmin jobgħod+ lil ħuh hu qattiel,+ u tafu li f’ebda qattiel+ ma tibqaʼ l-ħajja taʼ dejjem.+ 16 B’dan sirna nafuha l-imħabba,+ għax hu ta ruħu għalina;+ u aħna għandna l-obbligu li nagħtu ruħna għal ħutna.+ 17 Imma kulmin għandu biex jgħix+ f’din id-dinja u jara lil ħuh fil-bżonn+ u ma jkunx irid juri ħniena miegħu,+ kif tistaʼ tibqaʼ fih l-imħabba t’Alla?+ 18 Ulied ċkejknin, ħa ma nħobbu+ la bil-kliem u lanqas bl-ilsien,+ imma bl-għemil+ u l-verità.+
19 B’dan insiru nafu li noriġinaw mill-verità,+ u naċċertaw lil qlubna quddiemu 20 rigward dak kollu li qlubna jikkundannawna dwaru,+ għax Alla hu akbar minn qlubna u jaf kollox.+ 21 Maħbubin, jekk qlubna ma jikkundannawniex, nistgħu nitkellmu bil-libertà m’Alla;+ 22 u kulma nitolbu naqilgħuh mingħandu,+ għax qed nosservaw il-kmandamenti tiegħu u qed nagħmlu dak li jogħġob lilu.+ 23 Tabilħaqq, dan hu l-kmandament tiegħu, li jkollna l-fidi f’isem Ibnu Ġesù Kristu+ u li nħobbu lil xulxin,+ bħalma kkmandana hu. 24 Iktar minn hekk, min josserva l-kmandamenti tiegħu jibqaʼ f’unjoni miegħu, u hu jibqaʼ f’unjoni maʼ bniedem bħal dan;+ u b’dan insiru nafu li hu se jibqaʼ f’unjoni magħna,+ minħabba l-ispirtu+ li tana.
4 Maħbubin, temmnux kull espressjoni mnebbħa,+ imma għarblu l-espressjonijiet imnebbħin biex taraw jekk joriġinawx minn Alla,+ għax dehru ħafna profeti foloz fid-dinja.+
2 Minn dan issiru tafu liema hi l-espressjoni mnebbħa minn Alla:+ Kull espressjoni mnebbħa li tistqarr li Ġesù Kristu ġie bħala bniedem toriġina minn Alla,+ 3 imma kull espressjoni mnebbħa li ma tistqarrx lil Ġesù ma toriġinax minn Alla.+ Iktar minn hekk, din hi l-espressjoni mnebbħa taʼ l-antikrist, li intom smajtu li kienet ġejja+ u li issa diġà qiegħda fid-dinja.+
4 Ulied ċkejknin, intom toriġinaw minn Alla u rbaħtu lil dawn in-nies,+ għax dak li hu f’unjoni+ magħkom hu akbar+ minn dak li hu f’unjoni mad-dinja.+ 5 Huma joriġinaw mid-dinja;+ huwa għalhekk li jitkellmu dak li ġej mid-dinja u d-dinja tismagħhom.+ 6 Aħna noriġinaw minn Alla.+ Min isir jaf dwar Alla jismagħna;+ min ma joriġinax minn Alla ma jismagħniex.+ B’dan il-mod nagħrfu l-espressjoni mnebbħa tal-verità u l-espressjoni mnebbħa taʼ l-iżball.+
7 Maħbubin, ħa nkomplu nħobbu lil xulxin,+ għax l-imħabba+ hi minn Alla, u kulmin iħobb twieled minn Alla+ u jsir jaf dwar Alla.+ 8 Min ma jħobbx ma sarx jaf lil Alla, għax Alla hu mħabba.+ 9 B’dan intweriet l-imħabba t’Alla għalina,+ għax Alla bagħat lill-Iben uniġenitu tiegħu+ fid-dinja biex niksbu l-ħajja permezz tiegħu.+ 10 L-imħabba qiegħda f’dan: li mhux aħna ħabbejna lil Alla, imma hu ħabbna u bagħat lil Ibnu bħala sagrifiċċju+ propizjatorju*+ għal dnubietna.+
11 Maħbubin, jekk Alla ħabbna b’dan il-mod, mela aħna għandna l-obbligu li nħobbu lil xulxin.+ 12 Qatt ħadd ma ra lil Alla.+ Jekk inkomplu nħobbu lil xulxin, Alla jibqaʼ fina u mħabbtu tintgħamel perfetta fina.+ 13 B’dan insiru nafu li se nibqgħu f’unjoni+ miegħu u hu se jibqaʼ f’unjoni magħna,+ għax tana l-ispirtu tiegħu.+ 14 Iżjed minn hekk, aħna stess rajna+ u qed nixhdu+ li l-Missier bagħat lil Ibnu bħala s-Salvatur tad-dinja.+ 15 Kulmin jistqarr li Ġesù Kristu hu l-Iben t’Alla,+ Alla jibqaʼ f’unjoni maʼ bniedem bħal dan u hu jibqaʼ f’unjoni m’Alla.+ 16 U aħna stess sirna nafu u emminna l-imħabba+ li Alla għandu għalina.
Alla hu mħabba,+ u min jibqaʼ juri l-imħabba+ jibqaʼ f’unjoni m’Alla u Alla jibqaʼ f’unjoni+ miegħu. 17 B’dan il-mod l-imħabba ntgħamlet perfetta fina, sabiex ikollna l-libertà tal-kelma+ f’jum il-ġudizzju,+ għax, bħalma huwa hu, aħna wkoll hekk aħna f’din id-dinja.+ 18 M’hemm ebda biżaʼ fl-imħabba,+ imma l-imħabba perfetta tkeċċi l-biżaʼ ’l barra,+ għax il-biżaʼ jaħkem u jgħakkes lil dak li jkun. Tabilħaqq, min hu maħkum mill-biżaʼ ma ntgħamilx perfett fl-imħabba.+ 19 Ngħidu għalina, aħna nħobbu, għax hu ħabbna l-ewwel.+
20 Jekk xi ħadd jgħid: “Inħobb lil Alla,” iżda jobgħod lil ħuh, hu giddieb.+ Għax min ma jħobbx lil ħuh,+ li jarah, ma jistax ikun li jħobb lil Alla, li ma jarahx.+ 21 U għandna dan il-kmandament mingħandu,+ li min iħobb lil Alla għandu jħobb lil ħuh ukoll.+
5 Kulmin jemmen li Ġesù hu l-Kristu twieled minn Alla,+ u kulmin iħobb lil dak li kkaġuna t-twelid iħobb lil dak li twieled minnu.+ 2 B’dan insiru nafu li qed inħobbu+ lil ulied Alla,+ meta nkunu qed inħobbu lil Alla u nagħmlu l-kmandamenti tiegħu.+ 3 Għax l-imħabba+ t’Alla tfisser dan: li nosservaw il-kmandamenti tiegħu;+ u madankollu l-kmandamenti tiegħu m’humiex tqal,+ 4 għax dak kollu li twieled+ minn Alla jirbaħ lid-dinja.+ U din hi r-rebħa+ li rebħet+ lid-dinja, il-fidi tagħna.+
5 Min hu li jirbaħ+ lid-dinja+ jekk mhux min għandu l-fidi+ li Ġesù hu l-Iben t’Alla?+ 6 Dan hu li ġie permezz taʼ l-ilma u d-demm, Ġesù Kristu; mhux bl-ilma+ biss, imma bl-ilma u bid-demm.+ U l-ispirtu+ hu li jixhed, għax l-ispirtu hu l-verità. 7 Għax hemm tlieta li jixhdu, 8 l-ispirtu+ u l-ilma+ u d-demm,+ u t-tlieta huma fi qbil.+
9 Jekk nilqgħu x-xiehda li jagħtu l-bnedmin,+ ix-xiehda li jagħti Alla hi akbar, għax din hi x-xiehda li jagħti Alla, il-fatt li xehed+ dwar Ibnu. 10 Min ipoġġi l-fidi tiegħu fl-Iben t’Alla, fil-każ tiegħu tkun ngħatatlu x-xiehda.+ Min m’għandux fidi f’Alla jkun qed igiddbu,+ għax ma jkunx poġġa l-fidi tiegħu fix-xiehda li ngħatat,+ li Alla bħala xhud+ ta dwar Ibnu. 11 U din hi x-xiehda li ngħatat, li Alla tana l-ħajja taʼ dejjem,+ u din il-ħajja qiegħda f’Ibnu.+ 12 Min għandu l-Iben għandu din il-ħajja; min m’għandux l-Iben t’Alla m’għandux din il-ħajja.+
13 Qed niktbilkom dan sabiex tkunu tafu li għandkom il-ħajja taʼ dejjem,+ intom li poġġejtu l-fidi tagħkom f’isem l-Iben t’Alla.+ 14 U din hi l-fiduċja li għandna fih,+ li, kulma nitolbuh skond ir-rieda tiegħu, hu jismagħna.+ 15 Iktar minn hekk, jekk nafu li jismagħna f’kulma qed nitolbuh,+ nafu li se naqilgħu dak li tlabna peress li tlabnieh lilu.+
16 Jekk xi ħadd jilmaħ lil ħuh jagħmel dnub li ma jġibx il-mewt,+ għandu jitlob għalih, u Alla jagħtih il-ħajja,+ iva, lil dawk li ma jagħmlux dnub li jġib il-mewt.+ Hemm dnub li jġib il-mewt. Hu dwar dan id-dnub li ma ngħidlux biex jitlob.+ 17 Kull inġustizzja hi dnub;+ iżda hemm dnub li ma jġibx il-mewt.
18 Nafu li kulmin twieled minn Alla+ ma jipprattikax id-dnub, imma Dak+ li twieled minn Alla jħarsu, u l-Ħażin ma jaħkmux taħt idejh.+ 19 Aħna nafu li noriġinaw minn Alla,+ imma d-dinja kollha qiegħda taħt il-qawwa tal-Ħażin.+ 20 Imma aħna nafu li l-Iben t’Alla ġie,+ u tana l-kapaċità intellettwali+ biex niksbu l-għarfien dwar l-Alla l-veru.+ U aħna qegħdin f’unjoni+ miegħu, permezz taʼ Ibnu Ġesù Kristu. Dan hu l-Alla l-veru+ u l-ħajja taʼ dejjem.+ 21 Ulied ċkejknin, ħarsu ruħkom mill-idoli.+